BUS, SUMALPOK SA BACKHOE SA ZAMBOANGA DEL SUR.
Bumangga sa isang nakaparadang backhoe ang isang pampasaherong bus sa Barangay Pulacan, Labangan, Zamboanga del Sur.
Ayon sa inisyal na imbestigasyon, nawalan umano ng kontrol ang bus matapos magkaroon ng problema sa preno habang pababa sa kahabaan ng national highway.
Sugatan ang driver habang isang matandang babae naman ang naipit at agad na isinugod sa pinakamalapit na ospital.
Patuloy pang inaalam ng mga awtoridad ang kalagayan ng mga biktima at iba pang pasahero. | via Eric Bachiller
