Tiniyak ng Armed Forces of the Philippines (AFP) na sapat pa rin ang supply ng mga sundalong nakatalaga sa BRP Sierra Madre sa Ayungin Shoal kahit na na-reschedule ang rotation and resupply (RoRe) mission noong Setyembre 24 matapos ang panghihimasok ng mga barko ng China.
Ayon kay AFP spokesperson for the West Philippine Sea Rear Admiral Roy Vincent Trinidad, mataas pa rin ang morale ng mga sundalo at sanay silang manatili sa BRP Sierra Madre sakaling hindi agad makauwi.
Sinabi rin niyang nakalapit ang mga barko ng China Coast Guard at People's Liberation Army Navy sa Philippine vessel, dahilan upang ipagpaliban muna ang RoRe mission para sa kaligtasan ng mga tauhan at sasakyang pandagat.
📸: AFP
