LOLO, PATAY SA PAMAMARIL NG KANIYANG BAYAW.
Dead on the spot ang isang 80-anyos na lalaki matapos umano siyang tambangan at pagbabarilin ng kaniyang bayaw sa Barangay Piel, Baliwag, Bulacan.
Batay sa imbestigasyon, natukoy at naaresto ang suspek sa loob lamang ng tatlong oras sa Pampanga sa tulong ng mga testigo at CCTV footage.
Narekober sa suspek ang motorsiklo, damit na nakita sa CCTV, at isang kalibre .45 na baril na isasailalim sa ballistic examination.
Tinitingnan ng pulisya ang alitan sa minanang lupa bilang posibleng motibo sa krimen. Itinanggi naman ng suspek ang paratang laban sa kaniya. | via Jim Tejano
📸: Bulacan PPO
