NET25::News::Ulan dulot ng habagat at thunderstorms, inaasahan ngayong Hulyo 14

Makakaranas ng kalat-kalat na pag-ulan ang bahagi ng Ilocos Region dahil sa habagat, habang localized thunderstorms naman ang magdadala ng pulo-pulong pag-ulan sa Metro Manila at nalalabing bahagi ng bansa.

Magiging maulap na may kalat-kalat na pag-ulan ang panahon ngayong Martes, Hulyo 14, sa Ilocos Norte, Ilocos Sur, at La Union dulot ng habagat o southwest monsoon.

Habang ang Metro Manila at natitirang bahagi ng bansa ay posibleng makaranas ng bahagyang maulap hanggang maulap na papawirin na may pulo-pulong mga pag-ulan dulot ng localized thunderstorms.