Lunes, Hulyo 13, 2026
Senado ng Pilipinas

Nagsimula ang session bandang 2:00 p.m. na may 18 senator-judges na present at nag-adjourn bandang 8:12 p.m., habang nagpapatuloy ang cross-examination ng defense sa ikalawang witness.

Panoorin ang buong coverage: NET25 News and Information – Impeachment Trial ni VP Sara Duterte, Day 4 (July 13, 2026)

Overview ng Session

Binuksan ng Senate impeachment court ang ikalawang linggo ng paglilitis sa pamumuno ni Presiding Officer Sen. Francis Escudero. Ipinagpatuloy ang pagtalakay sa Article IV ng Articles of Impeachment: ang umano’y grave threats laban kina Pangulong Ferdinand Marcos Jr., First Lady Liza Araneta-Marcos, at dating House Speaker Martin Romualdez, gayundin ang inciting to sedition, na nakabatay sa press conference ni VP Sara Duterte noong October 18, 2024 at online briefing noong November 23, 2024.

Nakatuon ang buong araw sa direct testimony at pagsisimula ng cross-examination sa ikalawang witness ng prosecution, si NBI-BARMM Regional Director Atty. Jeremy Lotoc.

Glaring Points ng Ika-4 na Araw

1. Scheduling issue sa testimony ni NBI Director Matibag

Hiniling ng prosecution na i-advance ang testimony ni NBI Director Melvin Matibag (mula Miyerkules papuntang Martes) dahil aalis siya sa FBI–Royal Thai Police Summit sa Thailand sa July 21–22.

Tumutol si Sen. Alan Peter Cayetano:

"I find it in bad taste that a bureau head will dictate to us that he is not available next week."

Nagbabala rin siya na magiging "bad precedent" ito dahil isinantabi mismo ng mga senator-judges ang kanilang mga biyahe para sa trial.

Dagdag naman ni Senate President Sherwin Gatchalian, naghanda ang mga senador ng kanilang mga tanong batay sa witness list na inilabas noong nakaraang linggo.

Iginiit ng defense ang five-day notice rule at ang karapatan nitong "cross-examine intelligently."

Pinaalalahanan ni Presiding Officer Escudero ang prosecution na sila mismo ang nagsabing hindi witness si Matibag ngayong linggo, wala ring naisyung subpoena, at ipinagpaliban muna ang ruling habang hinihintay ang official invitation, travel authority, at sulat ni Matibag.

"We will presume if you don’t have it, it’s not yet there."

2. Hindi na-confirm ng NBI na may tunay na hitman

Sa pagtatanong ni Sen. Bam Aquino, inamin ni Lotoc na sinubukan ng NBI na kumuha ng verified information mula sa mga taong may personal knowledge sa November 2024 briefing.

Gayunman, hindi nila nakumpirma na may umiiral na taong kinontrata umano ni Duterte.

Ayon kay Lotoc:

"Kung ang second highest official of the land sinabi ’yan, hindi ho biro ’yan."

Dagdag pa niya kay Sen. Risa Hontiveros:

"Insofar as the crime of grave threats is concerned, hindi po ’yun kailangan."

3. Na-establish ng defense ang paggamit ng templates sa mga NBI document

Sa cross-examination ni defense counsel Mark Vinluan, itinutok ang pagtatanong sa standard affidavit of investigation form ng NBI.

Lumabas ang mga isyu sa:

docket number
certification dates
paggamit ng template

Hindi ma-verify ni Lotoc ang docket number at itinuro na lamang niya ang DOJ.

"Uulitin ko, mas maganda na kunin ang DOJ."

Ayon sa defense, maaari itong gamitin upang kuwestiyunin ang authenticity at accuracy ng documentary evidence, at ipakitang maaaring boilerplate lamang ang proseso ng imbestigasyon.

4. Kinuwestiyon ang reliability ng witness

Ayon kay Lotoc, mula sa kanyang memorya ay "around eight times" nagmura si Duterte sa mga opisyal.

Gayunman, pito lamang ang timestamps na nasa kanyang notes.

Tumutol din ang defense sa pagbabasa ni Lotoc ng sarili niyang notes sa halip na sa mga dokumentong na-identify bilang ebidensya.

5. Hindi personal na sumipot si Duterte sa NBI subpoena noong 2024

Ipinrisinta ng prosecution ang subpoena testificandum na inisyu ng NBI kay Duterte noong November 25, 2024.

Hindi siya personal na humarap at abogado ang ipinadala ng kanyang kampo.

Nagsumite rin ang kanyang kampo ng liham noong November 28, 2024 na nagsasabing mayroon siyang official duties.

6. Iba pang linya ng cross-examination ng defense

Sa cross-examination, sinabi ni Lotoc na:

walang direktang pakikialam si Pangulong Marcos sa imbestigasyon ng NBI;
dumaan muna sa DOJ review ang referral bago ito isinailalim sa preliminary investigation; at
kinuwestiyon din ng defense ang mga subpoena ng NBI sa ilang media personalities na dumalo sa online briefing.

Testimony ng Witness: NBI-BARMM Regional Director Jeremy Lotoc

Si Lotoc, abogado at dating chief ng NBI Cybercrime Division noong 2024, ang ikalawang witness ng prosecution kasunod ni Senior NBI Agent John Mark Calilung.

Walang objection ang defense sa kanyang presentasyon.

Pangunahing punto ng kanyang testimonya:

May nakita ang NBI na prima facie evidence para sa grave threats at inciting to sedition complaints kaugnay ng October 18 at November 23, 2024 statements.

May primary jurisdiction umano ang NBI sa mga banta laban sa pinakamataas na opisyal ng bansa.

Apat na factors ang sinuri ng NBI:
- manner of delivery;
- literal meaning;
- nature of the instruction; at
- relationship ng mga partido.
Konklusyon ng NBI: serious at real and actual ang banta.

Inilarawan ni Lotoc si Duterte bilang:
"furious and fuming mad."

Mula sa October 18, 2024 briefing, ipinakita ang mga pahayag tulad ng:

"Gusto kong tanggalin yung ulo niya."

at

"I imagine myself cutting his head."

Mula naman sa November 23 briefing, muling ipinakita ang mga clip ng umano'y pagbabanta laban kina Pangulong Marcos, First Lady Liza Araneta-Marcos, at dating House Speaker Martin Romualdez.

Nang tanungin ni Sen. Gatchalian kung ano ang kaugnayan ng naging pahayag ni OVP Chief of Staff Zuleika Lopez sa umano’y threats, sinabi ni Lotoc na nakita ng NBI na nakipag-usap na umano si Duterte sa isang tao tungkol dito bago pa ang briefing.

Nagkaroon din ng objection ang defense nang gumamit ng wikang Waray ang prosecution.

Ipinaalala ni Escudero na Filipino at English lamang ang opisyal na wika ng impeachment trial, maliban kung papayagan sa ilang pagkakataon.

Iba Pang Developments

Lunes ang deadline ng memoranda ng magkabilang panig kaugnay ng request na i-subpoena ang bank at tax records ni Duterte.
Tig-10 minutong oral arguments ang itinakda sa Miyerkules.
Kinumpirma ng House prosecution na hindi pa nito hinihiling na i-subpoena mismo si VP Duterte.
Tinanong ni Sen. Raffy Tulfo kung tatawagin ng defense si vlogger Princess Maui kaugnay ng umano’y Operation Romanov. Ni-reserve ng defense ang karapatang tumawag o hindi tumawag ng sinumang witness.
Nagmungkahi si Sen. Panfilo Lacson ng mga hakbang upang mapabilis ang trial, kabilang ang pagpapa-stay sa Senado ng mga witness sa loob ng linggo.
Napansin ding may ilang senator-judges na lumalabas ng session hall habang nagpapatuloy ang pagdinig.

Ano ang Susunod

Martes, July 14

Tetestigo sa ilalim ng subpoena si Zuleika Lopez, chief of staff ng Office of the Vice President.
Inaasahang magiging sentro ng kanyang testimonya ang November 2024 briefing at ang kanyang detention sa Kamara.
Posible ring lumabas ang ruling kaugnay ng request na baguhin ang schedule ng testimony ni NBI Director Melvin Matibag.

Miyerkules, July 15

Inaasahang tetestigo si Capt. Belinda Bello ng House Legislative Security Bureau.
Gaganapin ang oral arguments sa subpoena para sa bank at tax records ni Duterte.
Nakatakda pa ring humarap si NBI Director Melvin Matibag, ayon sa kasalukuyang subpoena.

Bulkang Mayon nagbuga ng lava