Nasa 20 na ang naiulat na nasawi dahil sa epekto ng Bagyong Inday at habagat, ngunit isa pa lang ang na-validate ng National Disaster Risk Reduction and Management Council (NDRRMC).
Sa inilabas na situational report ng NDRRMC, ang nag-iisang na-validate na nasawi ay isang 70-taong gulang na lalaki na nalunod sa Barangay Kipaypayon, Quezon, Bukidnon.
Samantala, isinasailalim pa sa validation ang ibang nasawi, dagdag ng ahensya. Sampu rito ang naiulat sa Sarangani, anim sa Lanao del Sur, dalawa sa Bukidnon, at tig-isa sa Iloilo at Davao Occidental.
Mahigit 654,000 katao o 146,000 pamilya sa 683 barangay ang naapektuhan ng kalamidad. Umabot na rin sa 890 bahay ang napinsala, habang tinatayang ₱3.18 bilyon ang halaga ng pinsala sa imprastraktura.
Patuloy naman ang pamahalaan sa pagbibigay ng tulong sa mga apektadong pamilya.
📸: Ana Carbz
