Nahuli ang isang lalaking iniuugnay sa 2015 Mamasapano massacre at sa March 28, 2026 pag-ambush sa mga pulis sa Shariff Aguak, Maguindanao del Sur. Nasakote ang lalaki sa isinagawang operasyon sa Barangay Tukanalipao, Mamasapano.
Ayon sa pulisya, dating miyembro umano ang suspek ng Bangsamoro Islamic Freedom Fighters (BIFF), senior adviser ng Penenekelan criminal gang, at may ugnayan din umano sa Dawlah Islamiyah-Hassan Group (DI-HG).
Inaresto siya sa bisa ng mga warrant of arrest para sa iba’t ibang kaso kabilang ang murder, frustrated murder, robbery, attempted murder, at double murder with frustrated murder.
Kasalukuyan siyang nasa kustodiya ng pulisya matapos sumailalim sa medical examination.
📸: Maguindanao del Sur PPO
