NET25::News::Habagat, magdadala ng ulan sa ilang bahagi ng bansa ngayong Martes

Inaasahan ang maulap na papawirin na may kasamang mga pag-ulan sa Western Visayas, Zamboanga Peninsula, at iba pang rehiyon dahil sa epekto ng habagat ngayong araw ng Martes ayon sa ahensya ng PAGASA.

Ayon sa PAGASA, magiging maulap na may kalat-kalat na pag-ulan ang panahon ngayong Martes, Hulyo 21, sa Western Visayas, Negros Island Region, Zamboanga Peninsula, at BARMM dahil sa habagat.

Habang bahagyang maulap hanggang maulap na papawirin na may pulo-pulong pag-ulan ang mararanasan sa Metro Manila, Ilocos Region, Cordillera Administrative Region, MIMAROPA, Batanes, Babuyan Islands, Zambales, Bataan, Cavite, Batangas, at natitirang bahagi ng Mindanao.