Kasalukuyang under restoration ang dalawang power plant sa Visayas, dahilan para magipit ang supply ng kuryente sa island grid, ayon sa Department of Energy (DOE).
Kabilang dito ang Therma Visayas Inc. Unit 1 sa Toledo City, Cebu at Panay Energy Development Corp. Unit 3 sa La Paz, Iloilo City. Inaasahang matatapos ang restoration ng PEDC Unit 3 sa katapusan ng Oktubre.
Ilang beses nang isinailalim sa yellow alert ang Visayas grid nitong mga nakaraang linggo, habang kamakailan ay nagpatupad din ang NGCP ng red alert.
📸: PNA
