Nasawi ang isang 43-anyos na babae nang salpukin ng isang pampasaherong jeep na nag-counterflow ang kaniyang motorsiklo sa General Luna Avenue, San Mateo, Rizal nitong Huwebes ng gabi, Agosto 20.
Pauwi na sana ang biktima galing sa trabaho nang mangyari ang aksidente pasado 6:00 ng gabi. Sa CCTV, makikitang biglang lumipat sa kabilang lane ang jeep at nasalpok ang biktima.
Matindi ang pagkakatama sa babae, dahilan para maputol ang kaniyang kaliwang braso. Naisugod pa siya sa ospital ngunit hindi na naisalba.
Agad na naaresto ang 20-anyos na driver ng jeep na sinabing naghahabol umano ng pasahero nang mag-overtake at mawalan ng kontrol sa manibela.
Nahaharap ang suspek sa reklamong reckless imprudence resulting in homicide and damage to property.
📸: San Mateo MDRRMO
