NET25::News::Ina at 2 anak, patay nang matagpuan sa loob ng sasakyan sa San Rafael, Bulacan

Natagpuang wala nang buhay ang isang 31-anyos na ina at ang dalawa niyang anak na may edad 4 at 9 sa loob ng isang nakaparadang sasakyan sa isang liblib na lugar sa Brgy. Talacsan, San Rafael, Bulacan.

Patay nang matagpuan ang isang 31-anyos na babae at ang dalawa niyang anak na may apat at siyam na taong-gulang sa loob ng isang sasakyan sa Barangay Talacsan, San Rafael, Bulacan.

Nahanap ang tatlo sa isang liblib na lugar matapos rumesponde ang mga opisyal ng barangay sa natanggap na tawag pasado 2:00 ng hapon nitong Huwebes, Agosto 20.

Muling bumalik sa lugar ang mga awtoridad ng 6:00 ng umaga ngayong Biyernes, Agosto 21 upang magsagawa ng 3D scanning para sa karagdagang ebidensya.

Patuloy ang imbestigasyon ng pulisya sa insidente upang malaman kung kailan iniwan ang sasakyan sa lugar, na pinaniniwalaang maaaring mula pa nitong Miyerkules ng gabi, Agosto 19.

Samantala, nangako ang San Rafael LGU na tutulong sa pamilya ng mga nasawi.

📸: San Rafael LGU