NET25::News::21 sasakyan, na-impound ng LTO Region 7 sa serye ng operasyon laban sa colorum at iba pang ilegal

Pinuntirya ng mga tauhan ng ahensya ang mga pampasaherong sasakyan na walang kaukulang pahintulot at lumalabag sa tamang singilin sa ilang lugar sa rehiyon upang masigurong sumusunod ang lahat sa batas.

Na-impound ng Land Transportation Office (LTO) Region 7 ang 21 sasakyan sa serye ng operasyon mula Hulyo 16 hanggang Hulyo 21 bilang bahagi ng pinaigting na kampanya laban sa mga colorum at iba pang ilegal na pampasaherong sasakyan.

Isinagawa ang operasyon sa North Cebu, Lapu-Lapu City, at South Road Properties (SRP), kung saan tinutukan din ang overcharging, contracting, fare meter violations, at iba pang paglabag.