Nanawagan ang maliliit na bansa sa United Nations ng pagkakataong mabigyan sila ng mas malaking papel sa pagbuo ng global artificial intelligence (AI) standards, dahil titindi umano ang global inequality kung mananatiling nakasentro sa mayayamang bansa ang regulasyon nito.
Sa UN Security Council session sa New York, iginiit ng mga lider mula Africa, Asia, at Latin America na dapat magkaroon ng equal rights ang developing countries sa pagbuo ng mga patakaran ukol sa AI.
Ayon sa Foreign Minister ng Democratic Republic of the Congo na si Thérèse Kayikwamba Wagner, hindi dapat maging users lamang ng teknolohiya ang maliliit na bansa.
Samantala, binigyang-diin ni UN Secretary-General Antonio Guterres ang kahalagahan ng coordinated global action sa pagharap sa risks ng AI, habang ipinaliwanang rin ang mabubuting idudulot nito sa developing countries.
