Nadiskubre na ng Cybercrime Investigation and Coordinating Center (CICC) ang siyam na social media account ng umano'y may kaugnayan sa mga hacker na nagtangkang manggulo sa State of the Nation Address (SONA) ni Pangulong Ferdinand Marcos Jr. noong Lunes, Hulyo 27.
Ayon kay CICC Undersecretary Renato Paraiso, layunin umano ng ilang account na hikayatin ang publiko na magtipon at maghasik ng kaguluhan sa panahon ng SONA. Naipasara na rin ang ilan sa mga naturang account, at naipasa na sa mga awtoridad ang nakalap na impormasyon para sa karagdagang imbestigasyon.
Posible umanong maharap sa mga kasong computer fraud, identity theft, grave threats, at iba pang paglabag sa batas ang mga nasa likod ng mga account.
