Pag-aari umano ng ama ng estudyante ang 9mm double-column na baril na ginamit sa pamamaril sa Banga National High School sa South Cotabato ngayong Biyernes, Setyembre 18, ayon kay Banga Mayor Albert Palencia.
Ayon kay Palencia, empleyado ng DepEd Region 12 at nagtuturo umano ng gun safety ang ama. Nakatago raw ang baril sa isang vault ngunit sinira umano ito ng estudyante upang makuha ang firearm.
Nasa General Santos City ang ama nang mangyari ang insidente.
