Tinawag ng ilang mambabatas na “State of No Achievement” ang State of the Nation Address (SONA) ni Pangulong Ferdinand Marcos Jr. dahil umano sa kakulangan ng malinaw na plano para sa mga manggagawang Pilipino.
Ayon kay Kamanggagawa Party-list Rep. Eli San Fernando hindi nabanggit sa talumpati ni Pangulong Bongbong Marcos ang mga isyu tulad ng dagdag-sahod, pagtanggal ng provincial wage rate, at contractualization. Bagama’t kinilala niya ang ilang hakbang tulad ng pag-alis ng systems loss charge sa singil ng kuryente, sinabi niyang mas makatutulong ang pagbabawas o pagtanggal ng value-added tax (VAT) sa mga produkto at serbisyo.
Aniya, dapat tutukan ng pamahalaan ang pagpapalakas ng kita ng mga manggagawa kaysa umasa lamang sa mga ayuda.
