Hindi magpapatupad ng rice import ban ang Pilipinas habang naghahanda ang bansa sa posibleng epekto ng "strong" El Niño, ayon sa Department of Agriculture (DA).
Sinabi ni DA Secretary Francisco Tiu Laurel Jr. na kailangan ng bansa ng sapat na supply ng bigas bilang paghahanda sa epekto ng El Niño na maaaring tumagal hanggang 2027.
Tiniyak naman ng ahensya na mapoprotektahan ang mga lokal na magsasaka at handa ang National Food Authority (NFA) na bumili ng kanilang palay kahit patuloy ang pagdami ng inaangkat na bigas.
