Sa cross-examination, binigyang-diin ng defense team na hindi lamang si Vice President Sara Duterte ang tumatanggap ng confidential funds maging ang mga nakaraang bise presidente rin.
Ipinakita ni Atty. Michael Poa kay dating Commission on Audit (COA) auditor Roderick Wamil ang isang Special Allotment Release Order (SARO) na may petsang Disyembre 22, 2014, na nagpapakitang naglaan ng confidential funds para sa Office of the Vice President bago pa man maging bise presidente si Duterte.
Kabilang si Wamil sa mga lumagda sa naturang SARO.
