Bumagsak ang isang maliit na pampasaherong eroplano sa Nazca Lines sa Peru, kung saan 13 katao ang nasawi nitong Sabado, Agosto 1 (local time).
Sakay ng Cessna Caravan C-208 ang 11 dayuhang turista mula sa Germany, Italy, at Spain, kasama ang dalawang crew member. Lumipad ito bandang 12:10 p.m. mula sa Pisco Airport, ngunit makalipas ang halos isang oras ay nagpadala ng emergency alert ang crew sa control tower bago tuluyang mawalan ng komunikasyon.
Matapos bumagsak, agad na nasunog ang eroplano kaya naging imposible ang pagsagip sa mga sakay. Patuloy pang iniimbestigahan ng mga awtoridad ang sanhi ng insidente.
📸: Reuters
