Inimbitahan ng Senate Impeachment Court ang apat na retired justices’ ng Supreme Court para magbigay ng legal na opinyon sa voting threshold para ma-convict o ma-acquit si Vice President Sara Duterte.
Ayon sa Senado, tatlo sa kanila ang personal na haharap sa impeachment court sa Setyembre 16. Kabilang dito sina dating Chief Justices Artemio Panganiban at Reynato Puno, at retired Associate Justice Adolfo Azcuna.
Samantala, magsusumite naman ng legal memorandum si dating Chief Justice Hilario Davide Jr., na namuno sa impeachment trial ni dating Pangulong Joseph Estrada noong 2000 hanggang 2001.
Naging usapin ang 16-vote requirement matapos itong pagtalunan ng ilang Senator-judge dahil apat na miyembro ng Senado ang hindi nakadadalo sa paglilitis.
