Inamin ni NBI-BARMM Regional Director Atty. Jeremy Lotoc sa Senate impeachment court na hindi natukoy ng ahensya ang sinasabing taong umano'y kinausap ni Vice President Sara Duterte kaugnay sa pagtatangka sa buhay ni Pangulong Ferdinand Marcos Jr., First Lady Liza Araneta-Marcos, at dating House Speaker Martin Romualdez.
Sinabi ni Lotoc na wala silang nakuhang sapat na ebidensiya upang matukoy ang pagkakakilanlan ng sinasabing tao.
Si Lotoc ang ikalawang testigo na humarap sa impeachment court kaugnay ng ikaapat na Articles of Impeachment laban kay Duterte.
Ngayong Martes, Hulyo 14, inaasahan ang cross-examination at pagharap ng iba pang personalidad, kabilang sina NBI Director Atty. Melvin Matibag at Office of the Vice President Chief of Staff Atty. Zuleika Lopez.
