NET25::News::DOH, naglaan ng 425 hospital beds para sa leptospirosis sa Metro Manila; 287 na ang okupado

Naglaan ang DOH ng 425 hospital beds sa Metro Manila para sa mga pasyente ng leptospirosis kung saan 287 na ang okupado, habang pinakamarami sa San Lazaro Hospital, East Avenue Medical Center, at Quirino Memorial Medical Center.

Naglaan ng 425 hospital beds ang Department of Health (DOH) sa mga pampublikong ospital sa Metro Manila para sa mga pasyenteng kailangang ma-admit dahil sa leptospirosis.

Ayon sa DOH, 287 na ang okupado habang 138 pa ang bakante.

Pinakamarami ang naka-admit sa San Lazaro Hospital na umabot sa 97, sinundan ito ng East Avenue Medical Center na may 54 at Quirino Memorial Medical Center na may 24.

📸: San Lazaro Hospital