Ipinagpaliban muna ng Department of Agriculture (DA) ang planong pag-aangkat ng 250,000 metric tons ng isda dahil nananatiling sapat ang lokal na supply ng seafood sa bansa.
Ayon kay Agriculture Secretary Francisco Tiu Laurel Jr., nakatulong ang mas mahabang fishing season at masaganang huli ng bangus at iba pang isda kaya hindi pa kinakailangang isagawa ang importasyon.
Aniya, maaaring i-activate ang pag-angkat sa panahon ng closed fishing season sa Oktubre o Nobyembre kung kakailanganin upang matiyak ang sapat na supply sa merkado.
