NET25::News::2,500 pinoy seafarers, stranded sa Persian Gulf dulot ng tensyon sa Middle East

Kinumpirma ng DMW na nasa 2,500 Pilipinong tripulante ang pansamantalang stranded sa Persian Gulf dahil sa tensyon sa pagitan ng Amerika at Iran, ngunit tiniyak ni Sec. Hans Leo Cacdac na ligtas ang mga ito at patuloy na nakatatanggap ng supply at sahod.

Tinatayang 2,500 Pilipinong tripulante ang nananatiling stranded sa Persian Gulf dahil naantala ang komersyal na paglalayag sa Strait of Hormuz dahil sa panibagong tensyon sa pagitan ng Estados Unidos at Iran, ayon sa Department of Migrant Workers (DMW).

Ayon kay DMW Secretary Hans Leo Cacdac, ligtas naman ang mga Pilipinong tripulante at patuloy na nakatatanggap ng pagkain, tubig, at regular na sahod habang naghihintay na maging maayos ang sitwasyon.

Patuloy ding nakikipag-ugnayan ang DMW sa mga manning agency, shipowners, at international maritime organizations para matiyak ang seguridad ng mga apektadong tripulante.

📸: AFP