Umatras sa Asian Games marathon si Philippine marathon record holder Sonny Wagdos dahil sa naranasang mataas na lagnat bago ang kompetisyon.
Ayon kay Wagdos, pinili niyang hindi sumali dahil sa kaniyang kondisyon at upang unahin ang kaniyang kalusugan.
Hindi pa naman tapos ang kaniyang kampanya sa Asian Games dahil inaasahan siyang sasabak sa men’s 5,000-meter event sa Setyembre 29, sakaling gumaling sa kaniyang karamdaman.
