Pinalawak ng Pag-IBIG Fund ang mga abot-kayang housing loan options upang matulungan ang mas maraming Pilipino na magkaroon ng sariling bahay.
Sa ilalim ng Expanded Pambansang Pabahay para sa Pilipino Program (Expanded 4PH), nag-aalok ang ahensya ng 3% subsidized rate para sa mga kwalipikadong socialized housing borrowers, habang may 4.5% at 5.75% promo rates para sa low-cost hanggang open-market housing loans. Itinaas din ang maximum housing loan amount hanggang P10 milyon.
Layunin ng hakbang na mapababa ang buwanang hulog ng mga miyembro, lalo na ang minimum-wage hanggang middle-income workers, sa gitna ng inaasahang pagtaas ng housing loan rates sa ibang lending institutions.
Sa unang limang buwan ng 2026, nakapaglabas ang Pag-IBIG Fund ng P55.26 bilyong housing loans na nakatulong pondohan ang 34,641 bahay para sa mga miyembro nito.
📸: Pag-IBIG Fund
