NET25::News::Panahong maulan sa ilang bahagi ng bansa ngayong Setyembre 16 dahil sa ITCZ

Magiging maulan ngayong Miyerkules sa Negros Island Region, Visayas, Mindanao, at ilang bahagi ng Luzon bunsod ng Intertropical Convergence Zone at localized thunderstorms.

Magiging maulan ang panahon ngayong Miyerkules, Setyembre 16, sa Negros Island Region, Central Visayas, Eastern Visayas, Zamboanga Peninsula, Northern Mindanao, Caraga, Masbate, Lanao del Sur, at Davao Oriental dahil sa intertropical convergence zone (ITCZ).

Habang ang natitirang parte ng Metro Manila at Luzon ay makararanas ng maulap na papawirin na may pulo-pulong mga pag-ulan dulot ng localized thunderstorms.