Mas mataas pa rin ang trust at approval ratings ni Vice President Sara Duterte kumpara kay Pangulong Ferdinand Marcos Jr. sa kabila ng impeachment trial sa Senado.

Ito ang lumabas sa pinakahuling survey ng Publicus Asia kung saan kapansin-pansing sumadsad ang grado ng Pangulo.

Ayon sa pagsusuri ng ekonomista at dating head ng BSP Investor Relations Office na si Cora Guidote, malaki ang naging pagkaaksaya sa tiwalang ibinigay ng mga Pilipino kay Marcos noong napanalunan niya ang eleksyon noong 2022.

Ikinabit ng mga eksperto ang matinding pagbaba ng tiwala ng publiko sa administrasyon sa mga isyu gaya ng patuloy na mataas na inflation o pamasahe at bilihin, lagay ng ekonomiya ng bansa, mga alegasyon ng malawakang korupsyon sa gobyerno, at kakulangan sa political accountability na hinihingi ng taong-bayan.

Ani Guidote, mas mabigat ang mawalan ng tiwala kaysa sa approval rating dahil mas mahirap na itong ibalik at bawiin kapag tuluyang nasira.

Panoorin ang buong report sa Mata ng Agila: