Nahaharap ang bagong Department of Health (DOH) Secretary na si Jose Pujalte Jr. sa reklamong graft sa Office of the Ombudsman dahil sa umano’y pagpapatigil ng pagbili ng mga gamot at medical supplies para sa tuberculosis (TB).
Ayon sa mga health advocate na nagsampa ng reklamo, sinadya umanong patagalin ni Pujalte ang proseso ng public bidding upang bigyan ng panahon ang isang hindi pinangalanang supplier.
Hiniling ng grupo ang kanyang preventive suspension at pagsasampa ng kaso dahil maaari umanong maantala ang gamutan ng mga pasyenteng may TB na nangangailangan ng tuloy-tuloy na supply ng gamot.
Noong nakaraang linggo, nakita umano siyang nagsusugal sa dalawang resort casino sa Parañaque City. Itinanggi naman ito ni Pujalte.
📸: DOH
