GOBYERNO BALAK BUMILI NG SUBMARINE —MARCOS

Published May 26, 2023 04:43 PM by: NET25 News | 📷: PRESIDENTIAL COMMUNICATIONS OFFICE FB

Plano ng pamahalaan na bumili ng submarine. Ito ang kinumpirma ni Pangulong Ferdinand Marcos Jr., na nagsabi pa na marami nang alok mula sa ibang bansa para makabili ang Pilipinas ng submarine. “Marami tayong offer from different countries. Not only to acquire submarines but also to build them here in the Philippines,” ani Marcos. Gayunman, nilinaw ng pangulo na bagaman ito ay plano, hindi rin naman umano maliit na commitment ang pagkuha ng submarine dahil kinakailangan din ng training para i-operate ito. Sa ngayon aniya ay nasa kalagitnaan na ang bansa sa pag-develop ng mga anti-submarine capabilities. “So, ‘yun ang tinitingnan na natin ngayon dahil malaking bagay ‘yun. If they are built here and we can actually build submarines here and provide those submarines to other countries then that’s another source of jobs, and of income and increased capability for our Navy,” pahayag pa ni Marcos.