APAT NA INDIAN NATIONALS, IDEDEPORT NG BI

Published Mar 18, 2023 08:37 PM by: NET25 News|📷 PNA

Inanunsyo ng Bureau of Immigration (BI) na apat pang wanted na dayuhan ang nakalinya para ipatapon at ibiyahe pabalik sa kanilang mga bansa upang harapin ang mga kasong kinakaharap. Sa pahayag, sinabi ni Immigration Commissioner Norman Tansingco na ang mga dayuhan ay ang apat na Indian nationals na dinakip sa magkakahiwalay na operasyon ng mga operatiba ng Fugitive Search Unit (FSU). Ang apat na Indians ay kinilala ni Tansingco na sina Manpreet Singh, 23; Amritpal Singh, 24; at Arshdeep Singh, 26; at Amrik Singh, 33. "These wanted foreigners will be expelled for being undesirable aliens and also for being undocumented as their passports were already cancelled by their respective governments. We will also place them in our blacklist to ban them from re-entering the country,” pahayag ni Tansingco.