LEBRON JAMES, NBA’S NEW ALL-TIME LEADING SCORER

Published Feb 08, 2023 01:19 PM by: NET25 News|📷 AFP

Nahigitan na ni LeBron James ng Los Angeles Lakers si Kareem Abdul-Jabbar bilang all-time leading scorer ng NBA, Martes (Miyerkules, Maynila time). Sa laro laban sa Oklahoma City Thunder na ginanap sa Crypto.com Arena sa Los Angeles, kinailangan ni Lebron ng 36 points para malampasan ang ilang dekada na rekord ni Abdul-Jabbar na 38,387 puntos. Nalampasan ni James ang puntos ni Jabbar sa isang fade away jumpshot na may natitirang 10.9 seconds sa third quarter ng laro. Live na nanonood si Abdul-Jabbar sa arena nang mahigitan ni James ang record. Nasa venue rin ang pamilya ni Lebron para sa historic moment na ito. Present din ang iba pang NBA stars at Hollywood celebrities. Nang maiskor ni James ang record-breaking basket, naungusan ng Los Angeles Lakers ang Thunder, 104-99.