NEWS UPDATES

PROGRAMS

SHOWS

2022 ELECTIONS

INTERNATIONAL

SPORTS

OPINION

NEWS IN PHOTOS

POST TYPES

“Kada Umaga” aims to provide a new daily morning habit for Filipinos that will both impart entertainment, and latest news and information including trends on sports, business and tourism.

NET 25

KADA UMAGA

LINGAP STORIES SEASON 2

UNLAD: Kaagapay Sa Hanapbuhay

HERO POST TYPES

NEWS PROGRAMS

ENTERTAINMENT

CURRENT AFFAIRS

KADA UMAGA & ASPN

TGAA & UNLAD

SNACKABLE & RESPONDE

MATA NG AGILA & OPEN FOR BUSINESS

CUCINA NI NADIA & QUIZON CT

TOP BANNER

“I am very pleased to recognize the volunteering efforts of Felix Y. Manalo Foundation, led by Brother Eduardo V. Manalo, for your dedication to supporting the community as part of the global humanitarian initiative Aid To Humanity,”

Justin Trudeau

"Napakalaking tulong po talaga sa amin ito, lalung-lalo na gipit na gipit po kami sa panggastos sa pagkain, gamot, mga gamit sa  precautionary measures  na kakailanganin, karamihan po ng biktima natin ay  senior citizens. Marami po tayong matutulungan na mga pamilya , and I’m very grateful. Please accept, from the bottom of my heart, my heartfelt gratitude to you,” Mayor Belmonte said.,"

Hon. Joy Belmonte

“Yesterday, we received more positive news when we learned that our brothers from the Iglesia Ni Cristo  have agreed to let the government use the whole Ciudad de Victoria estate, not just the Philippine Arena itself but the entire estate to isolate and quarantine COVID-19 cases,”

Karlo Nograles

TESTIMONIALS

RAFFLE REGISTRATION

REGISTRATION BANNER

TERMS AND CONDITION

PRIVACY POLICY

REGISTRATION PREREQUISITE

Pinakiusapan na kahapon si Department of Health (DOH) Secretary Francisco Duque III kay Public Attorney's Office (PAO) chief Persida Acosta na magpabakuna na laban sa COVID-19 upang magkaroon na rin siya ng proteksyon laban sa virus.

“Ako ay nananawagan kay PAO chief (Persida) Acosta dahil palagay ko, baka malapit na rin siyang maging senior citizen, eh dapat mabigyan siya ng karagdagang proteksyon sa pamamagitan ng bakuna,” panawagan ni Duque.

Ito ay makaraan ang mga panawagan sa pamahalaan na pilitin si Acosta na magpabakuna na upang maging ehemplo ng pamahalaan.  Matapos naman ito sa pag-amin ni Acosta na hindi pa siya nagpapabakuna dahil sa kaniyang edad at iba pang rason ukol sa kaniyang kalusugan.

Naghihintay pa umano siya ng 'protein-based' na bakuna na wala pa ngayon sa Pilipinas.

“Ayaw naman na malagay siya sa isang napakapeligrosong katayuan, lalo na kapag ito’y severe to critical COVID infection na alam natin nabibiktima rito ang mga senior citizens at mga taong… gaya ng sinabi niya meron daw siyang ibang mga sakit. So mas lalo na dapat magpabakuna siya bunsod ng kaniyang comorbidities,” paliwanag pa ni Duque kay Acosta.

Nabatid naman na pinagsabihan na ni Department of Justice Secretary Menardo Guevarra si Acosta na sumunod sa umiiral na panuntunan ukol sa 'onsite work' para sa mga hindi bakunadong tauhan ng pamahalaan.  

Ang PAO ay nasa ilalim ng pamamahala ng DOJ.

SEC. DUQUE KAY PAO CHIEF ACOSTA: 'MAGPABAKUNA KA NA'

Binabalak na ring gawing bvaccination ste' ng pamahalaang lungsod ng para sa mga menor-de-edad at mga senior citizen ang Manila Bay Walk Dolomite Beach.

Ayopn ay Manila Mayor Isko Moreno na mas mainam na mapakinabangan ang denibelop na beach bilang vaccination site dahil sa pagiging 'open space' nito.  

Matapos makapagpabakuna, maaaring mag-relaks muna ang tao sa beach.

“Kung feasible, bakit hindi? That’s a very good idea? Tapos na ba ‘yung construction nila, safe ba sa mga tao? ‘Yun naman ang concern natin palagi eh, ‘yung safety ng mga tao,” mungkahi ni Moreno.

“Pansinin nyo, kapag pumipili tayo ng lugar, secluded halos lagi ‘yung mga lugar. Geographically feasible sa gagawing function doon sa particular na action plan, Pero okay ‘yun, bakunahan sa dolomite,” katwiran pa ng alkalde.

Ang plano ay makaraang  buksan ni Moreno ang Manila Zoological and Botanical Garden bilang 'vaccination site' at pasyalan na rin pagkatapos ng tao matapos nilang magpabakuna.

Patuloy na hinikayat ng alkalde ang publiko na magba-booster shot na para may dagdag na proteksyon lagan sa bagong Omicron variant ng COVID-19.

Ipinaalala niya sa mga manggagawa na bagama't hindi na sila kasali sa 'no vaccination, no ride policy', hindi naman umano ito dahilan para hindi na sila magpabakuna kahit kailan.

DOLOMITE BEACH BALAK DING GAWING VACCINATION SITE

Hindi na umano kailangang umangkat ng Pilipinas ng nasa 60,000 metriko toneladan isda tulad ng galunggong at mackerel.

Ito ay dahil na rin sa mayamang sa katubigan ang bansa.

Ito ang mariing pahayag nina Deputy Speaker at Buhay Partylist Rep. Lito Atienza na tinutulan ang nasabing hakbangin ng Department of Agriculture (DA).

“Our country is blessed with an abundance of rich resources from the sea.  We never imported fish then.  It was the other countries who imported Philippine fish. Clearly, government is not doing its job and the problem of corruption is causing this shortage”, pahayag ni Atienza.

Ayon kayAtienza na hindi na siya magtataka kung ang aangkating 60,000 metriko toneladang isda ng Pilipinas sa ibang mga bansa tulad ng China ay manggaling din mismo sa mayamang karagatan ng Pilipinas.

Ginawa ni Atienza ang pahayag sa gitna na rin ng isyu sa pinagtatalunang teritoryo sa West Philippine Sea kung saan binubully ng China ang mga mangingisdang Pinoy.

“Our abundant natural resources are enough to feed the whole world. But right now, it is feeding only the wealthy and the powerful enjoying our waters”, ayon pa kay Atienza. (PNA photo by Joey O. Razon)

PINAS HINDI NA KAILANGANG UMANGKAT NG TONE-TONELADANG ISDA

Magtutuloy-tuloy ang pagbibigay ng pamahalaan ng benepisyo sa mga healthcare workers (HCW) ngayong 2022 makaraang maglaan na ng P1.08 bilyong pondo ang Department of Health (DOH) para sa kanilang patuloy na serbisyo habang hindi pa natatapos ang COVID-19 pandemic.

Nagmula ang pondo sa General Appropriation Act (GAA) 2022 para sa benepisyo sa pagkakasakit at pagkamatay ng mga HCW na dadapuan ng COVID-19 habang nasa serbisyo.  

Nakatakdang maglabas ang DOH at ang Department of Budget and Management (DBM) ng Joint Administrative Order para sa panuntunan para sa mas mabilis at episyenteng pagbibigay ng naturang benepisyo sa mga kuwalipikadong HCW.

Bukod dito, magkakaloob din ang DOH ng mas mataas na Special Risk Allowance (SRA) ngayong 2022.  Tatawagin ito ngayong One COVID-19 Allowance (OCA) na papalit sa dating ibinibigay na 'Active Hazard Duty Pay for Public Health Workers; Meals, Accommodation and Transportation Allowance (MAT); at Special Risk Allowance, na mas limitado ang nabibigyan.

"The OCA shall be provided to all health workers involved in COVID-19 response in line with the National Action Plan COVID-19 strategy of Prevention, Detection, Isolation, Treatment, Rehabilitation, and Vaccination (PDITR+) strategy," ayon kay Health Secretary Francisco Duque III.

Mabibigyan umano ang allowance ang lahat ng HCWs, ngunit magdedepende pa rin sa kanilang pagkakalantad sa COVID-19 depende sa uri ng health facility na kanilang pinapasukan, work setting, at uri ng trabaho.

P1.08B PONDO LAAN PARA SA DAGDAG NA  BENEPISYO NG HEALTHCARE WORKERS-DOH

HINDI napigilan ni Senador Panfilo Ping Lacson ang maglabas ng komento kaugnay ng pagpapakulong sa 80-anyos na lolo na sinasabing nagnakaw lang ng mangga.

Sa kanyang Twitter post, inilahad ni Lacson ang ‘A Tale of Two Thieves.’

Sinabi ni Lacson na ang lolong si Narding Floro ay inaresto dahil lamang sa pagnanakaw sa 10 kilo ng mangga na mula sa puno na sakop dapat ng kanyang bakuran.

Habang may isang opisyal aniya ng gobyerno na bukod sa patuloy itong nagnanakaw ng milyon sa kaban ng bayan ay pagala-gala lamang kasama ang mga police escort.

Hindi na nagbigay pa ng ibang detalye si Lacson sa tinutukoy niyang government official.

Ang pag-aresto kay Floro ay ikinagalit ng maraming netizen.

TIWALING OPISYAL NG GOBYERNO, PAGALA-GALA LANG --LACSON

SINABI ni National Task Force (NTF) against COVID-19 medical adviser Dr. Ted Herbosa na mahirap pang sabihin kung ang bagong pagbaba sa kaso sa National Capital Region ay simula na ng downward trajectory ng infections.

Tinanong kasi si Herbosa kung ang pagbaba ng kaso sa NCR ay nangangahulugan na ang surge dahil sa Omicron variant ay umabot na sa peak nito at ngayon ay nasa downward trend.

“Mahirap magsabi na ito na nga yung pababa. Although negative nga at bumababa because of the past two days mabilis pa nga yung pagbaba, hindi pa rin tayo nagre-relax. We are still cautious,” ang sagot ni Herbosa.

Aniya, tinitingnan nila ang one-week average daily attack rate at growth rate para i- assess ang trend ng COVID-19 cases.

Sa kabila ng pagbaba ng infections, nagbabala si Herbosa sa posibilidad na ang napaulat na COVID-19 cases noong nakaraang linggo ay magsisimulang maranasan ang problema at komplikasyon at dalhin sa mga ospital.

Dahil dito, ang mga ospital ay naghahanda na para sa ganitong sitwasyon.

Araw ng Miyerkules, sinabi ni OCTA Research fellow Dr. Guido David na ang weekly growth rate ng COVID-19 cases sa Kalakhang Maynila ay pumalo na sa -10%,  nagpapakita ng downward trajectory.

Idinagdag pa nito na ang reproduction number sa Kalakhang Maynila ay bumaba na sa 1.79 mula sa 2.07.

"The pattern is very similar to the South Africa experience of a rapid surge followed by a dramatic decrease in infections," ayon kay David.

Hiniling nito sa publiko na huwag maging kampante at ipagpatuloy lamang na gawin ang basic health protocols.

DOWNWARD TREND NG COVID-19 CASES SA NCR, 'HARD TO TELL YET' --HERBOSA

Tiniyak ng Commission on Elections (Comelec) na hindi makakaapekto sa timeline ng  preparasyon ng Comelec ang pagpapaliban ng ballot printing para sa mga overseas absentee voting para sa May 9,2022 elections


Napag-alaman na ang pag-imprenta ng balota para sa mga botanteng overseas Filipinos ay dapat Sana kahapon, Enero 19 batay sa naunang pahayag ng printing committee pero ito ay ipinagpaliban.

"The printing committee, taking into consideration various technical factors, has moved the start of printing to a date yet to be announced," sinabi ni Comelec Spokesperson James Jimenez. 

Inaasahan naman na isasagawa ang tentative printing ng balota ngayong araw, Enero 20.

"The committee assures the public that this later start will not negatively impact the Comelec's preparations for the elections," ayon pa kay Jimenez.

"The ballot faces will be released as soon as the finalization process has been completed," sabi pa niya.

Nauna nang ipinahayag ng poll body na ang National Printing Office na pinapatakbo ng estado ay mag-iimprenta ng 67,442,714 na balota para sa halalan sa Mayo. 

Sa bilang na ito, 1,697,202 ay para sa overseas voting habang 65,745,512 ay para sa local voting.

Ang campaign period para sa national candidates ay magsisimula sa February 8.

Sa local candidates naman ay sa March 8 naman magsisimula ang kampanya.

AOV BALLOT PRINTING INAASAHAN NGAYONG ARAW

‘’Papatayin nyo ang local fisheries."

Ito ang sigaw ni Senador Imee Marcos, chair ng Senate Economic Affairs committee, sa plano ng Department of Agriculture na mag-angkat ng 60,000 metriko- tonelada ng isda gaya ng galunggong at mackerel.

‘’Galit ako dyan, import to death, halos natabunan pa tayo ng last years import, ano ba?!,’’ ayon kay Marcos sa kanyang Viber account.

‘’Stop that importation! There's at least 35,000 metric tons still unsold from 2021 importation plus those still to be delivered for Q1 (first quarter of) 2022!,’’ giit ni Marcos.

‘’Taken in the context of our having to import basic food items such as rice, pork and now fish, it is quite unfortunate that for a country that has one of the longest coastlines in the world, we remain seafood insecure,’’ ayon naman kay opposition Senator Francis ‘’Kiko’’ N. Pangilinan.

‘’An indicator that our agriculture- fisheries sector has been neglected. Importation is a stop gap short term solution to address the supply and price of fish but it compromises and undermines food security in the long run,’’ ang pahayag nito sa kanyang Yahoo mail.

Matapos ang diskusyon at deliberasyon, ang multi-sectoral National Fisheries and Aquatic Resources Management Council (NFARMC) ay nagrekumenda kay DA Secretary William Dar na ‘’there is no need to issue a Certificate of Necessity to Import (CNI) for the first quarter of 2022.’’

Sa kabilang dako, hiniling ng NFARMC sa Bureau of Fisheries and Aquatic Resources (BFAR) ‘’to present an augmented mechanism in the presentation of fish supply and demand analysis, taking into account the PSA reference and the data from the industry; and for the information to be made available in advance in cognizance of the availability of fish supply from other countries.’’

Samantala, matapos umapela sa DA, sinabi ni Marcos na maghahain siya ng resolusyon laban sa importasyon. Hihilingin niya sa Senate Agriculture committee sa pamumuno ni chairwoman at Senador Cynthia A. Villar na magsagawa ng public hearing sa nasabing usapin.

‘’STOP THAT IMPORTATION!’’ PAKIUSAP NI SEN. IMEE SA PLANO NG DA NA MAG-ANGKAT NG 60,000 METRIKO-TONELADA NG ISDA

PIPILITIN ng gobyerno na mapagtagumpayan ang target nitong mabakunahan laban sa covid 19 ang 77 milyong adults bago pa sumapit ang pinaka-aabangan na May 9, 2022 elections.

Ang anunsyo na ito ni acting presidential spokesperson at Cabinet Secretary Karlo Nograles ay matapos na isiwalat ng pamahalaan ang bago nitong target para protektahan ang mga botante na magpapartisipa sa halalan mula sa COVID-19.

Ayon kay Nograles, gagawin lahat ng pamahalaan para makamit ang target nitong bilang ng pagbabakuna.

“Ito po yung aming isusulong talaga na marating natin iyon,” ani Nograles.

“If not by the end of the first quarter [of] 2022, at least before the May elections na 77 million na target natin, kasama at kabilang na po doon ang adult population," dagdag na pahayag nito.

Nauna nang nagtakda ang gobyerno na gawing fully vaccinated ang 54 milyong adult population bago matapos ang taong 2021. Ang target ay nakamit lamang noong nakaraang linggo.

"As of January 18," nakapagturok na ang pamahalaan ng 120,645,514 doses ng COVID-19 vaccines.

"So far, a total of 56,027,759 Filipinos have been fully vaccinated while 5,362,518 have received their booster shots," ayon kay Nograles.

Sa kasalukuyan, patuloy na nakikipagpambuno ang Pilipinas sa surge ng COVID-19 cases, posibleng nagatungan ng mas nakahahawang Omicron variant. Sa mga nakalipas na araw, ang bansa ay nakapagtala ng 30,000 cases daily.

Samantala, pinaalalahanan naman niya ang publiko na manatiling sundin ang minimum public health standards gaya ng tamang pagsusuot ng face mask, paghuhugas ng kamay at physical distancing.

GOBYERNO, TARGET GAWING FULLY VACCINATED ANG 77 MILYONG PINOY BAGO ANG ELEKSYON

INAPRUBAHAN ni Pangulong Rodrigo Duterte ang pagpapalabas sa P1.185 bilyong piso mula sa contingent fund ng gobyerno noong nakaraang taon para sa special risk allowance (SRA) ng mga health workers na hindi pa nakakatanggap nito.

Sinabi ni Sen. Bong Go na ang P1.185 bilyong piso ay huhugutin mula sa 2021 Contingent Fund at gagamitin para bayaran ang SRA ng eligible health workers na direktang nag-aasikaso o may contact sa COVID-19 patients.

“Ang ating mga medical frontliners ay ang mga sundalo sa giyera na ito. Sila ang tinuturing nating bayani sa laban kontra COVID-19,” ayon kay Go, long-time aid ni Pangulong Duterte at chairman ng Senate health committee.

Sa ngayon, mahigit sa 496,000 health workers ang nabigyan ng kanilang SRA, ang iniulat ng Department of Health (DOH) sa pagdinig ng Mababang Kapulungan ng Kongreso, araw ng Martes, Enero 18.

"The SRA provided has amounted to a total of nearly P8 billion," ayon kay DOH Assistant Secretary Maylene Beltran.

PANG. DUTERTE, OKS NA IPALABAS ANG P1.185-B PARA SA SPECIAL RISK PAY NG MGA HEALTH WORKERS

Dalawang indibidwal kasama ang isang opisyal ng barangay ang inaresto ng National Bureau of Investigation (NBI) dahil sa ilegal na pagbebenta ng “iron wood” o “magkuno”.

Kinilala ni NBI Director Eric Distor ang mga naaresto na sina Clyde Rey Balaan na isang barangay councilor at Elward Lomongan, residente ng Lianga, Surigao del Sur.

Ang operasyon ay nag-ugat sa impormasyon na natanggap ng NBI-Eastern Visayas Regional Office kaugnay sa posibleng paglabag sa Forestry Reform Code of the Philippines dahil sa pag-transport ng mga suspek sa illegal na cut lumber.

Nakuha sa mga suspek ang P900,000 marked money, isang unit wing van, 12-wheeler truck at 13 pirasong  putol na wood lumber.

 “The wing van and the thirteen (13) pieces ‘Magkuno/Iron Wood” lumbers were turned over to DENR-PENRO (Department of Environmental and Natural Resources-Provincial Environment and Natural Resources Office), Palo, Leyte pending necessary documentation,” ayon sa NBI.

Dagdag pa ng NBI, nauna nang nakasuhan sina Balaan at Lomongan sa Tacloban City Prosecutor’s Office sa pa paglabag sa Presidential Decree No. 705, the Forestry Reform Code of the Philippines.

2 INDIBIDWAL KASAMA ANG ISANG BARANGAY OFFICIAL, ARESTADO NG NBI

Pinangalanan na ng BBM-Sara UniTeam ang kanilang senatorial slate para sa darating na halalan.

Kabilang sa senatorial line-up sina:

 • Incumbent Senator Sherwin Gatchalian
 • Former presidential spokesperson Harry Roque
 • Former Quezon City mayor Herbert Bautista
 • Former senator Jinggoy Estrada
 • Former Defense Secretary Gibo Teodoro
 • Former Public Works Secretary Mark Villar
 • Antique Rep. Loren Legarda

Nagbigay din ng plataporma ang mga kandidato sa ginanap na Manila Virtual Caravan nina presidential aspirant Ferdinand "Bongbong" Marcos Jr. at running mate Davao City Mayor Sara Duterte-Carpio.

Binigyang-diin ni Gatchalian na kasalukuyang namumuno sa Senate basic education committee, ang pangangailangang tulungan ang sektor ng edukasyon na naapektuhan ng coronavirus pandemic. Hinimok niya ang mga lokal na opisyal na tulungan ang mga estudyante at guro sa kani-kanilang lugar.

Samantala, isinusulong ni Roque ang “Free from COVID, free from hunger” initiative sakaling mahalal siya sa Senado. Sinabi niya na isusulong niya ang karapatan ng publiko sa pagkain at malinis na tubig at isang pondo ng kompensasyon para sa mga biktima ng karapatang pantao.

Sinabi naman ni Bautista na isusulong niya ang pagpapalakas ng lokal na pamamahala, pagdaragdag ng Local Government Code at iba pang mga batas na kailangang i-update upang gumana sa isang "21st Century Philippines." 

Para naman kay Estrada, uunahin niya ang pagbibigay ng trabaho para sa mga Pilipino dahil marami ang nawalan ng pagkakakitaan dahil sa pandemya. 

Iginiit naman ni Teodoro na dapat palakasin ang local autonomy—mula sa barangay level hanggang provincial— para mas mabilis na tumugon ang gobyerno sa pangangailangan ng publiko. Dapat ding palakasin ang fiscal at digital infrastructure, gayundin ang kakayahan ng militar at pulisya sa bansa.

Binigyang-diin din ni Villar ang kahalagahan ng pagbuo ng trabaho, sa ilalim ng programang "Build, Build, Build" ng administrasyong Duterte na nakapagbigay ng libu-libong trabaho. 

Hindi naman nakadalo si Legarda sa online caravan.

UNITEAM PINANGALANAN NA ANG 7 SENATORIAL CANDIDATE

HINDI nakaranas ng kahit na anumang masamang epekto si Pangulong Rodrigo Duterte matapos na makatanggap ng kanyang Sinopharm booster shot laban sa COVID-19.

Ito'y sa kabila ng wala pang data ang makapagpapakita na ang Sinopharm ay "appropriate booster."

"Wala naman pong masamang epekto kay President Duterte [ang Sinopharm] sa pagkakaalam namin," ayon kay acting presidential spokesperson at Cabinet Secretary Karlo Nograles.

Ang pahayag na ito ni Nograles ay tugon sa tanong sa kanya kung bakit Sinopharm ang ginamit na booster kay Pangulong Duterte kahit hindi pa naman inirerekomenda ng vaccine experts panel ng bansa ang Sinopharm bilang booster dahil sa kakulangan ng data kapuwa mula sa ibang bansa at manufacturer ng Chinese vaccine.

"The vaccine given to the President, including his primary dose [of two-dose Sinopharm] is between him and his personal physician," ayon kay Nograles.

Gayunpaman, hindi naman masabi ni Nograles ang timeline kung kailan ilalabas ng mga eksperto ang kanilang rekomendasyon kung ano ang nararapat na booster para sa Sinopharm na itinurok din sa publiko.

"Our experts panel are in touch with the Sinopharm manufacturers for the data so that the proper recommendation for its booster can be issued as soon as possible," ayon kay Nograles.

Nauna rito, sinabi ni Nograles na nabigyan na ang Chief Executive ng booster shot laban sa COVID-19 at iyon nga aniya ay Sinopharm.

"Sa declaration niya kagabi sa Talk to the People, it appears na nakapag-booster na si Pangulo at Sinopharm ang nagamit," ayon kay Nograles noong Enero 7.

SINOPHARM BOOSTER, WALANG SIDE EFFECTS KAY PDU30 --NOGRALES

Isinusulong ni Senador Francis Tolentino ang batas na naglalayong magbigay parusa sa mga employer na pagtatrabahuhin ang mga empleyado sa oras ng pahinga.

Sa ilalim ng Senate Bill No. 2475 Z o ang Workers’ Rest Law, layo nitong protektahan ang mga oras ng pahinga ng mga empleyado at nagtatakda ng mga parusa para sa mga employer na lumalabag sa panukala.

"For instance, instead of destressing at home from the pressures of work, work is now brought to the employees’ homes or wherever they go. Similarly, due to advances in technology, employees are now virtually always at the beck and call of their employers," ayon kay Tolentino.

"The power of control of employers now overreaches beyond working hours through the use of phone and email,” dagdag pa niya.

Nabanggit niya na naging prominente ito dahil mas maraming empleyado ang nasa work from home set up dahil sa pandemya.

"This bill defines the rest hours of employees, and prohibits employers from exacting work or contacting employees, without the latter’s consent, during rest hours,” ani Tolentino.

“An employer that violates the prohibitions set in this bill will be penalized with a monetary sanction and a fine, or with imprisonment if attended with coercion or resulted in discrimination,” dagdag pa ng mambabatas.

BATAS NA NAGPAPARUSA SA MGA EMPLOYER NA PAGTRABAHUHIN ANG EMPLEYADO SA REST HOURS, ISINUSULONG

WELCOME kay Sen. Christopher “Bong” Go ang kamakailan lamang na pag-apruba sa karagdagang budget para bayaran ang COVID-19 Special Risk Allowance ng mga healthcare workers (HCWs).

Hindi pa rin kasi natatanggap ng mga healthcare workers ang nasabing benepisyo.

Sa ulat, inaprubahan ni Pangulong Rodrigo Roa Duterte ang pagpapalabas ng P1.185 bilyon na huhugutin sa 2021 Contingent Fund para i-cover ang SRA ng mga eligible private HCWs at non-Department of Health plantilla personnel na direktang nag-asikaso, nakasalamuha at may direktang contact sa mga pasyenteng may COVID-19.

“Nararapat lamang na mabigyan sila ng dagdag na kompensasyon bilang pagkilala sa kanilang sakripisyo. Kailanman ay hindi sila pababayaan ng gobyerno,” ayon sa senador.

"Ang ating mga medical frontliners ay ang mga sundalo sa giyera na ito. Sila ang tinuturing nating bayani sa laban kontra COVID-19. Bilang Chair ng Senate Committee on Health, ipaglalaban ko ang karapatan at kapakanan nila palagi,” dagdag na pahayag nito.

Matatandaang, ipinalabas ng Department of Budget and Management ang P8.189 bilyong piso para sa SRA benefits ng 497,043 HCWs.

Nauna rito, hinikayat ni Go ang mga kinauukulang awtoridad na maayos na ipatupad ang mga terms ng Bayanihan to Recover As One Act, na nagsisilbing legal na basehan para sa SRA.

“Bigyan natin ng sapat na suporta ang medical frontliners. Bawat araw ay nasa panganib ang kanilang buhay. Siguraduhin nating mabibigyan ang lahat ng qualified healthcare workers ng Special Risk Allowance at iba pang insentibo o benepisyo na naaayon sa batas,” ang apela ni Go.

“Kaya ako umaapela na maging flexible tayo sa pag-iimplementa ng nakasaad sa batas at kung kakayanin ng pondo ay bigyan na ang lahat ng qualified ng fixed na amount ng SRA kaysa bilangin pa natin ang kanilang pag-duty bawat araw,” dagdag na pahayag ni Go.

At para magarantiya na ang kanilang naging kontribusyon ay "adequately recognized," nagpahayag naman ng pagsuporta si Go para i-extend ang SRA sa lahat ng HCWs na nagta-trabaho sa ospital. 

“Lahat naman ng health workers na naka-duty ay maituturing na exposed sa banta ng COVID-19. Hindi nakikita ang kalaban na ito kung kaya’t mahirap paghiwalayin pa kung sino ang exposed at sino ang hindi,” diing pahayag ni Go.

“Pagdating mo sa ospital, ‘di mo naman masasabi. Once nasa loob ka na, prone at maituturing na exposed ka na rin. Hindi mo masabi na walang virus sa dinaanan mong floor dahil dito lang ang virus kasi hindi nga natin nakikita ang kalaban,” ang paliwanag ng senador.