Lumobo sa P15.35 trillion ang outstanding debt ng gobyerno ng Pilipinas sa pagtatapos ng Mayo, ayon sa Bureau of the Treasury (BTr).

Iniulat ng BTr na ang outstanding debt ng gobyerno ay tumaas ng 2.2%, at ang pangunahing dahilan ay ang peso depreciation.

"As of the first quarter," ang utang ng gobyerno bilang share ng gross domestic product (GDP) ay nasa 60.2 percent. Ito ay mas mababa sa 61.1 percent noong nakaraang taon ngunit mas mataas sa 60.1 percent sa pagtatapos ng 2023.

Iniulat din ng BTr na tumaas ang mga pagbabayad nang utang ng gobyerno noong Mayo ngayong taon.

Base sa nilabas na datos ng BTr, naglabas ang administrasyong Marcos ng P69 billion para sa local at external financial obligations noong Mayo.

Mas mataas ito ng 41% mula sa P49 billion na ibinayad sa mga creditors noong nakaraan taon.

Ang mga pagbabayad ay nagtulak sa kabuuang debt service para sa unang limang buwan ng taon sa P1.22 trillion, na kumakatawan sa 47.4 percent ng government's debt service plan para sa 2024, na may kabuuang P2.57 trillion.

Sa nasabing halaga, P1.9 trillion ang inilaan para sa domestic debt, habang ang natitirang P640 billion ay inilaan para sa foreign creditors.

Ang pagtaas sa debt settlements ay maaaring maiugnay sa increased interest costs, na umakyat sa P61.1 billion noong Mayo.

Nakasaad sa datos ng Treasury na ang malaking bahagi ng interest payments noong Mayo ay napunta sa domestic lenders, na may kabuuang P46.1 billion sa principal payments mula sa gobyerno, na sumasalamin sa 56% na pagtaas.

Kasabay nito, gumasta ang gobyerno ng P15 billion sa borrowing costs sa foreign creditors at ang kabuuang interest settlements sa unang limang buwan ng taon ay sumirit ng 40% sa P321.6 billion.

Bukod pa rito, naglaan ang gobyerno ng P7.9 billion noong Mayo para sa principal payments. Sa pagtatapos ng Mayo, ang kabuuang principal payments ay tumaas ng 52% sa P895.1 billion.