Naglabas ng notarized affidavit of denial si Ben Jason Tesiorna, Davao City-based journalist, para tutulan ang paggamit at pagpresenta ng CCTV video ng ICC prosecutor na si Julian Nicholls sa confirmation of charges hearing laban kay dating Pangulong Rodrigo Duterte.

Ayon kay Tesiorna, siya ang kumuha at nag-record ng video noong Disyembre 19, 2013 at siya rin ang may-ari ng copyright nito.

Giit niya, wala siyang ibinigay na pahintulot para gamitin o ipalabas ang video at hindi rin siya kinontak ng sinumang ICC investigator bago ito ipinakita sa pagdinig. Itinatanggi rin niya ang anumang kaugnayan sa umano’y na-edit o pinagtagpi-tagping video. | via Earlo Bringas

: Contributed photo