Binalaan ng Bangko Sentral ng Pilipinas ang publiko laban sa mga kumakalat na pekeng P1,000 bill lalo ngayong papalapit ang holiday season.

Sa abiso ng BSP, dapat maging mapanuri sa salapi lalo na't trending sa social media ang umano'y paglaganap nito.

Ang masaklap, isang netizen pa ang nag-post na ang pekeng P1,000 bill ay iniluwa ng ATM booth sa isang mall sa Calabarzon.

fake P1k bill.jpg

Hindi lang ang papel na P1,000 bill ang pineke kundi maging ang polymer na P1,000 bill.

Upang tulungan ang publiko na sipating mabuti ang pekeng P1,000 bill, isinapubliko ng BSP ang peke at genuine peso bill.

Samantala, nagpaalala rin ang BSP na huwag basta makipagtransaksyon sa online buyer ng P20 new generation coin.

Ito ay nang ma-detect sa social media ang crowd sourcing na naghahanap ng nasabing barya para sa mas mataas na presyo,

Pagdiriin ng BSP ang nasabing barya na inilabas noong December 2019 ay may legal tender at aktibong ginagamit sa pambili at pambayad kaya hindi puwedeng maging collector's item.