Nasilayan na ng publiko ang mga bumubuo sa prosecution at defense panel sa impeachment trial ni Vice President Sara Duterte, na nagsimula noong Hulyo 6.

Sa panig ng bise presidente, ang legal panel ay binubuo ng 16 na abogado mula sa law firm na Fortun Narvasa & Salazar. Pinangungunahan ito ng mga beteranong abogado sa bansa na may malawak na karanasan sa paghawak ng mga kontrobersiyal at malalaking kaso.

Kabilang rito si Atty. Philip Sigfrid A. Fortun, ang co-founding partner ng firm na may mahigit 35 taong karanasan sa high-stakes litigation. Hindi na bago sa kaniya ang ganitong entablado dahil nagsilbi na siyang counsel sa nag-iisang impeachment trial ng nakaupong pangulo sa kasaysayan ng Pilipinas, ang kay dating Pangulong Joseph Estrada, bukod pa sa paghawak ng kaniyang firm sa komplikadong Ampatuan massacre case.

Kasama rin bilang lead defense lawyer sa trial na ito si Atty. Sheila Sison, na nagtapos bilang full scholar sa San Sebastian College of Law at pinarangalan bilang "Lawyer of the Year" ng kaniyang kumpanya sa loob ng sunod-sunod na taon mula 2015 hanggang 2018.

Kumukumpleto sa mga mangunguna si Atty. Gregorio "Ogie" Y. Narvasa II, co-founder ng firm at nagtapos sa University of the Philippines. May higit tatlong dekada ng karanasan sa corporate governance, litigation, at sports administration, kung saan naging commissioner din siya ng isang professional sports league sa bansa.

Nasa defense team din ni VP Duterte ang mga sumusunod na abogado:

Atty. Michael Wesley Poa: Dating Undersecretary at Spokesperson ng DepEd. Siya ang tumatayong isa sa mga pangunahing kinatawan at mukha ng legal team ni VP Sara sa Senado, kung saan personal siyang humarap sa pre-trial conference para sa pagmamarka ng mga ebidensya. Nagtapos sa San Beda College of Law; ang kaniyang practice areas ay public administration, executive operations, at corporate law.
Atty. Reynold Munsayac: Beteranong abogado at dating opisyal na tagapagsalita ng Office of the Vice President; dating Commissioner/Acting Chairman ng Presidential Commission on Good Government (PCGG). Nagtapos sa San Beda College of Law; ang kaniyang practice areas ay public officers law, asset recovery, at institutional litigation.
Atty. Carlo Joaquin T. Narvasa: Isang senior associate sa kumpanya at first-chair litigator sa mga paglilitis. Nagtapos siya sa Ateneo de Manila University.
Atty. Roberto Batungbacal: Isang senior partner sa firm, nagtapos sa University of the Philippines; ang kaniyang practice areas ay corporate litigation, administrative liabilities, at appellate motion practices.
Atty. Justin Nicol B. Gular: Nagtapos sa University of San Carlos; ang kaniyang practice areas ay corporate compliance, commercial practice, at litigation & dispute resolution.
Atty. Lindon Miguel Bacquel: Nagtapos sa San Beda University; ang kaniyang practice areas ay environment law, real estate frameworks, at civil trial litigation.
Atty. David Ronell M. Golla VII: Nagtapos sa Far Eastern University; ang kaniyang practice areas ay corporate & commercial practice, corporate rehabilitation, family & estates, labor, at litigation & dispute resolution.
Atty. Maria Selena Golda Fortun: Nagtapos sa San Beda University; ang kaniyang practice areas ay intellectual property rights, labor law, at general litigation.
Atty. Claraine Radoc: Nagtapos sa University of Santo Tomas; ang kaniyang practice areas ay corporate and commercial practice, contractual law, at general dispute resolution.
Atty. Francesca Marie Flores: Nagtapos sa Ateneo de Manila University; ang kaniyang practice areas ay appellate practice, statutory interpretation, at civil defense representation.
Atty. Miguel Carlos Fernandez: Nagtapos sa San Beda University; ang kaniyang practice areas ay trial preparation, data compilation, at public finance audit review.
Atty. Mark Vinluan: Nagtapos sa Arellano University School of Law; ang kaniyang practice areas ay constitutional law, procedural filings, at complex auditing defense.
Atty. Ralph Bodota: Nagtapos sa Arellano University School of Law; ang kaniyang practice areas ay taxation, corporate law, at litigation

Bago ang State of the Nation Address (SONA), itinakda ang paglilitis tuwing Lunes hanggang Miyerkules, mula alas-2 ng hapon

BASAHIN: Ang mga prosecutor sa impeachment trial ni VP Sara Duterte:

https://net25.com/news/kilalanin-ang-mga-prosecutor-sa-impeachment-trial-ni-vp-sara-duterte-1