Ipagdiwang ng mapayapa, masaya, ligtas at makabuluhan ang selebrasyon sa pagsalubong ng 2025.

Panawagan ito sa publiko ni Philippine National Police (PNP) Chief General Rommel Francisco Marbil dalawang araw bago ang aktuwal na selebrasyon para sa pagsalubong sa bagong taon.

Kasunod nito, inatasan ni Marbil ang PNP na ipatupad ang heightened alert upang makatugon sa pagtulong sa mga mamamayan, lalo sa mga naglalakbay at nahaharap sa emergency situation.

“Our officers are trained and equipped to handle emergencies, from providing immediate first aid to assisting in fire response operations. We are ready to serve the public in every way possible,” nakasaad sa pahayag ni Marbil.

“We have mobilized our police units to maintain peace and order during New Year celebrations and ensure the safety of travelers heading home,” dagdag na pahayag ni Marbil.

Nagbabala si Marbil sa mga pasaway na iwasan ang pagsusunog ng mga gulong at harangan ang mga kalsada sa gagawin na selebrasyon dahil sagabal ang mga ito sa emergency response efforts ng PNP.

“These acts pose serious risks to public safety and obstruct the movement of emergency vehicles. Anyone caught engaging in such activities will face appropriate sanctions,” pagtiyak n Marbil.

Pinatitiyak ni Marbil sa PNP na makipag-ugnayan sa local government units at local traffic management offices upang maging maayos ang galaw ng mga tao at behikulo sa bansa.

“Coordination with government agencies and local traffic management offices is key to managing the movement of people and vehicles effectively during this busy season,” he added.

Ginawa ng PNP chief ang pahayag matapos isapubliko ng Department of Health (DOH) noong LInggo ang patuloy na pagtaas sa kaso ng road accidents at nasugatan sanhi ng firecracker-related injuries sa bansa.

Sa datos na inilabas ng DOH, umakyat na sa 418 indibidwal ang malubhang nasugatan sa mga aksidente sa lansangan mula December 22 hanggang December 29 (Linggo). Mas mataas kumpara sa parehong panahon noong 2023.

Naitala ng DOH ang pinakamataas na insidente ng sakuna sa loob ng isang araw sa 68 bilang mula December 28 hanggang December 29.

Sa 418 kaso, 70 porsiyento ay sangkot ang motorsiklo kung saan 17 percent na nagmamaneho nito ay nakainom o lasing.

Naitala rin ng DOH ang 17 kaso ng mga indibidwal na nasugatan dahil sa paggamit ng mga ipinagbabawal na paputok.

Sa huling tala ng DOH noong Linggo, umakyat sa 142 ang firecracker-related injuries mula December 22 hanggang December 29 — mataas ng 35 percent mula sa 105 kaso na nairekord sa parehong panahon noong 2023.

Sa kabuuan, 104 bilang (73 percent) ay sanhi ng illegal fireworks tulad ng “boga,” five-star at piccolo. Mayorya ng nasugatan ay naputukan habang sinisindihan ang mga illegal na paputok.

Iniulat rin ng DOH noong Sabado na isang 78-anyos na lolo mula sa Central Luzon ang unang casualty matapos masabugan sa mata at binti ng sinindihan na judas belt.

Pinayuhan ni Marbil ang mga mamamayan na huwag bumili at gumamit ng mga malalakas na paputok upang makaiwas sa disgrasya.

“As we usher in 2025, let us work together to ensure a safe and joyful celebration for all. With your cooperation, we can make this New Year’s celebration peaceful, secure