Kung gumastos ka ng higit sa P64 para sa tatlong pagkain sa isang araw, hindi ka na itinuturing na "food poor." Ito ay batay sa datos ng National Economic and Development Authority (NEDA).

Sa pagdinig ng Senate panel on Finance sa panukalang 2025 national budget noong Martes, tinanong ni Senator Nancy Binay si NEDA chief Arsenio Balisacan kung paano inuuri ng bansa ang mga Pilipinong mahihirap sa pagkain.

"As of 2023, ang monthly food threshold para sa isang pamilya na may limang miyembro ay P9,581, na lumalabas humigit-kumulang P64 bawat tao," sabi ni Balisacan.

Tinanong ni Binay kung ang P64 ay sumasakop ng tatlong pagkain kada araw. Sumagot si Balisacan ng “oo.”

Tinanong ng senador kung sapat na ba ang P20. Ayon kay Balisacan, na hindi naman daw nagbago ang “basket sa loob ng ilang panahon.

Sinabi ni Panel chairperson Senator Grace Poe na mayroong ilang mga bagay na kailangang ayusin tulad ng pag-compute ng poverty threshold, at binanggit na maaaring hindi na ito "workable".

Sinabi rin ng NEDA chief na ang food-poor threshold ng bansa noong 2021 ay nasa P55 habang nasa P63 noong 2023.

Pagdating ng 2024, ani Balisacan na tataas ito sa P67.

Binigyang-diin niya na hindi ang NEDA kundi ang FNRI ang nag-imbento ng basket.