Pinasinayaan ni Pangulong Ferdinand Marcos Jr. araw ng Martes ang pinakamalaking water reservoir project sa Iloilo.

Dumalo rin ang ilang dignitaries, kabilang si Korean Ambassador to the Philippines Lee Sang-hwa, sa inagurasyon ng Jalaur River Multipurpose Project Stage II (JRMP II) sa Calinog, Iloilo.

Ang P19.7 billion JRMP II ay ang unang large-scale water reservoir sa labas ng Luzon, na binubuo ng 109-meter high dam, isang 38.5-meter afterbay dam, at isang 80.74 kilometer high line canal na may kakayahang magbigay ng irrigation, bultong water supply, at hydroelectric power, bukod sa iba pa.

Nasa 25,000 magsasaka ang inaasahang makikinabang sa proyekto ng National Irrigation Administration (NIA).

“This should boost further the development in the agricultural sector as well as the local economy of the entire region,” sinabi ni Pangulong Marcos sa kanyang talumpati.

“In fact, it is estimated to help increase annual rice production in Region 6 by 160,000 metric tons, which is almost 20 percent of the region’s annual rice requirement," dagdag na pahayag ng Pangulo.

Sinabi ng Pangulo na ang bahagi ng tubig mula sa 'high dam’s reservoir' o 86 million liters kada araw ay gagamitin upang matustusan ang commercial at industrial bulk water requirements ng Iloilo City at mga kalapit na munisipalidad.

Ang proyekto ay inaasahang makakalikha ng 6.6 megawatts ng hydroelectric power, na makakatulong sa pagdagdag ng power supply sa Panay Island.

“Additionally, it is also proposed to develop inland fishery, floating solar energy systems, and eco-cultural tourism in the near future,” ayon sa Pangulo.

“With all [of] these, the JRMP II truly deserves its label: Katuwang sa Kauswagan or Partner in Progress. Let this project serve as a benchmark and an inspiration for all endeavors of this scale and of this magnitude,” pahayag ng Pangulo.

“It's only the beginning of what we have in store for the development of our water resources,” dagdag na pahayag ni Marcos.

Nangako si Pangulong Marcos sa mga magsasakang Pilipino na patuloy na isusulong ng administrasyon ang kahalintulad na proyekto na magpapalakas sa sektor ng agrikultura.

“Hindi ko rin maaaring kalimutan ang mga magsasaka na araw-araw ay nagsisikap upang magbigay ng pagkain sa buong sambayanan. Hindi kami titigil sa pagpapatupad ng mga proyekto at programa na tutugon sa inyong mga pangangailangan at [magpapagaan] sa inyong buhay,” pahayag ng Pangulo.

“Mananatiling kasangga ninyo ako at ang buong administrasyong ito sa pagtupad ng inyong mga pangarap,” dagdag na pahayag ni Marcos.

Sa ilalim ng "Bagong Pilipinas," sinabi ni Pangulong Marcos na maging maingat ang pamahalaan sa paggamit ng resources ng bansa lalo na ng tubig.

“We are also wisely investing our limited funds in projects that would bring optimal development for the most number of beneficiaries in the most efficient manner,” ayon sa Pangulo.

“Our water development projects would not just bring irrigation or potable water to our people, but will also help address flooding, produce food, generate electricity, and develop tourism activities,” dagdag na pahayag niya.

Ang JRMP II, na pinondohan sa pamamagitan ng grant mula South Korean government at equity mula sa gobyerno ng Pilipinas, ay inaasahang magiging ganap na operational sa mid-2025.