Kung si Private Sector Advisory Council (PSAC) Lead for Jobs at Go Negosyo founder Joey Concepcion ang tatanungin, dapat magbalik opisina na ang mga empleyado dahil tapos na ang pandemya.

“Kasi kapag work-from-home tayo, anong mangyayari sa Pilipinas. There will be less mobility. If there is less mobility, there is less consumption,” pahayag ni Concepcion.

“Iyong work-from-home, okay lang iyan sa pandemya, pero sa panahon natin ngayon, wala namang pandemic eh. So dapat tuluy-tuloy ang encouragement to work-from-office para may disiplina rin," aniya pa.

Matatandaan na noong nakaraang buwan ay inalis na ni Pangulong Ferdinand Marcos Jr. ang state of public health emergency dulot ng COVID-19 pandemic sa buong bansa.

Hinimok ni Concepcion ang iba’t ibang sektor na magbalik opisina na para tuluyang makabangon ang ekonomiya ng bansa.

“Siyempre, I understand that in certain sectors, they can work-from-home because they are in the IT sector. But I would really encourage that we, to stimulate the economy, we have to encourage more mobility,” ayon kay Concepcion.

“If there is no mobility, there will be very weak consumer spending and that will lead to a lower number in our growth of the Philippines,” dagdag na pahayag nito.