Itinuturing ni Pangulong Ferdinand Marcos Jr. na isang "significant achievement" ang bagong taripa na ipinataw ng Estados Unidos sa mga produkto mula sa Pilipinas.

Inihayag ni US President Donald Trump na magiging 19%, mula sa dating 20%, ang tariff rate na nakatakdang ipataw sa mga produkto na nagmula sa Pilipinas.

"We managed to bring down 20 percent tariff rate for the Philippines to 19. One percent might seem like a very small concession. However, if you put it into real terms, it is a significant achievement," ayon kay Pangulong Marcos.

Ginawa ng Pangulo ang pahayag matapos makausap sa isang pulong si Trump sa White House.

Sa isang social post, inihayag ni Trump na ang Pilipinas ay magkakaroon ng open market sa United States with zero tariffs.

Nilinaw ni Pangulong Marcos na hindi lahat ng kalakal na papasok sa Pilipinas mula sa US ay makakakuha ng zero tariff.

Ayon kay Marcos, ang zero tariff ay ia-apply lamang sa ilang merkado.

“There were certain markets that they asked to be opened. One of the major areas is automobiles because we have a tariff on American automobiles. We will open that market,” paliwanag ng Pangulo.

"The Philippines will also increase its imports from the US," aniya. “The other side of that is increased importation from the US for soy products, wheat products, and pharmaceuticals, medicines para mas maging mura ang gamot natin."

Nang tanungin kung ang kasunduan ay mas pabor sa Estados Unidos, tugon ni Pangulong Marcos: “That’s how negotiations go. Why the tariff went up from 17% to 20% is internal to the US government."