Nakumpiska ng Bureau of Customs (BOC), kasama ang iba pang ahensya ng gobyerno, ang tinatayang P40 milyon na halaga ng hinihinalang smuggled na bigas mula sa Cavite at Las Piñas.

SMUGGLED BIGAS.jpg

Ito ay nangyari matapos makumpiska ng BOC ang 42,180 sako ng bigas na nagkakahalaga ng P42 million sa isinagawang raid sa isang warehouse sa Zamboanga City noong nakaraang linggo.

BIGAS ZAMBOANGA CUSTOMS.jpg

Samantala, sa Cavite at Las Piñas raid, napag-alamanan ng BOC na isang 25-kilo na sako ng bigas ang iniulat na ibenenta sa P1,320 sa palengke o P52.8 kada kilo.

Ayon sa BOC, labas ang presyo sa itinakda ng Department of Agriculture (DA), na P41 kada kilo sa regular milled rice at P45 kada kilo sa well-milled.

Ang mga may-ari rin ng warehouse ay hindi importers kundi mga rice traders.

Binigyan diin ng BOC na ang mga warehouse, na pag-mamay-ari ng isang trader ay natagpuang nag-iimbak ng mga produkto ng bigas mula sa Vietnam, Thailand at China.

Hiniling ng BOC sa may-ari ng warehouse na magbigay ng proof of payment of correct duties and taxes mula sa kanilang supplier o importer.

Binigyan ng labing limang araw ang may-ari upang isumite ang mga kinakailangan na dokumento para ma-validate ang legalidad ng pag-import ng mga subject sack ng bigas, at suriin kung nagbayad ng tamang buwis.