Umarangkada na ang makasaysayang impeachment trial laban kay Vice President Sara Duterte sa Senado. Para itulak ang apat na articles of impeachment, nagpasa ang Kamara ng 11-member public prosecution panel.

Sino nga ba ang mga itinalagang bumuo sa prosekusyon?

Rep. Gerville "Jinky Bitrics" Luistro (Lead Prosecutor): Si Rep. Luistro ang tumatayong Lead Prosecutor ng House panel na pormal na nagpasok ng kanilang appearance sa impeachment court; graduate ng Law sa San Beda; kasalukuyang Batangas 2nd District Representative; dating Assistant Majority Leader at naging aktibong miyembro ng House Committee on Good Government and Public Accountability.

Rep. Leila M. de Lima: Si de Lima ang isa sa mga nag-endorso ng impeachment complaints; nagtapos ng Bachelor of Laws mula sa San Beda; kasalukuyang Mamamayang Liberal (ML) Party-list Representative; dating Senador (2016–2022), dating Kalihim ng Department of Justice (DOJ), at dating Chairperson ng Commission on Human Rights (CHR).

Rep. Jose Manuel “Chel” I. Diokno: Nagkamit ng Juris Doctor degree mula sa Northern Illinois University (USA) at pumasa sa Bar kapwa sa Illinois at sa Pilipinas; kasalukuyang Akbayan Party-list Representative; dating Dekano ng De La Salle University (DLSU) College of Law at dating miyembro ng sari-saring legal advisory panels. Siya ang National Chairman ng Free Legal Assistance Group (FLAG).

Rep. Terry L. Ridon: Nagtapos ng Bachelor of Laws mula sa University of the Philippines (UP) College of Law; kasalukuyang Bicol Saro Party-list Representative; dating Kabataan Party-list Rep., at dating Chairperson ng Presidential Commission for the Urban Poor (PCUP).

Rep. Joel Chua: Nagtapos ng abogasya sa San Sebastian College; kasalukuyang Manila 3rd District Representative; nagsilbing chairman ng House Committee on Good Government and Public Accountability.

Rep. Lorenz R. Defensor: Graduate ng Law sa San Beda; Iloilo 3rd District Representative at Senior Deputy Majority Leader sa Kamara.

Rep. Ramon Rodrigo “Rodge” D. Gutierrez: Nagtapos ng Bachelor of Laws mula sa Ateneo de Manila Law School; kasalukuyang 1-Rider Party-list Representative

Rep. Jonathan Keith "Keith" T. Flores: Graduate ng Law sa Ateneo de Manila Law School; kasalukuyang Bukidnon 2nd District Representative; miyembro ng House Quad Committee.

Rep. Ysabel Maria "Bel" J. Zamora: Nagtapos ng Bachelor of Laws mula sa Ateneo de Manila Law School; kasalukuyang San Juan City (Lone District) Representative; dating Judicial Staff Head sa Korte Suprema at naging private corporate lawyer.

Rep. Lordan G. Suan: Graduate ng Law sa Xavier University – Ateneo de Cagayan; kasalukuyang Cagayan de Oro City 1st District Representative.

Rep. Arlene "Kaka" J. Bag-ao: Nagtapos ng Bachelor of Laws mula sa Ateneo de Manila Law School; kasalukuyang Dinagat Islands (Lone District) Representative; dating Gobernador ng Dinagat Islands (2019–2022) at dating kinatawan ng Akbayan Party-list.

Kabilang din sa prosecution ang 15 Private Prosecutors:

Atty. Theodore Te (Dating SC Spokesperson)
Atty. Lorna Patajo-Kapunan
Atty. Benjamin "Jay" Tolosa Jr. (Nagsisilbi ring Legal Spokesperson ng panel)
Atty. Sonya Margarita Benemerito-Castillo
Atty. Amando Virgil Ligutan
Atty. Mae Divinagracia
Atty. Lino Kapunan
Atty. Deanna Melissa Lorenzo-Singian
Atty. Marforth Fua
Atty. Erwin Matib
Atty. Justine Anne Lamarca
Atty. James Bryan Ibrahim Alih
Atty. Reynaldo Robles
Atty. Bettina Zamora
Atty. Arnold Labay

Sa paghaharap ng 26-man House Prosecution Panel at ng 16 na abogado ng depensa, inaasahang magiging madugo ang bakbakan sa mga susunod na araw sa Senado. Nakatakdang isalang ng prosekusyon ang kanilang mga unang testigo at ebidensya ukol sa kontrobersyal na pondo.

Mananatili namang nakatutok ang sambayanang Pilipino kung mapapatunayan ang mga paratang o kung malilinis ng Bise Presidente ang kanyang pangalan.

BASAHIN: Ang defense lawyers ni Vice President Sara Duterte sa impeachment trial:

https://net25.com/news/kilalanin-ang-defense-lawyers-ni-vice-president-sara-duterte-sa-impeachment-trial-1