Mahahabang pila ng mga tao ang sumalubong sa opening day ng pagpapalabas ng senior romantic comedy movie ng taon – ‘Monday First Screening.’

Pinatunayan ng NET25 Films na kahit marami itong kasabayang dayuhang pelikula sa pagpapalabas ng pelikula ay tumabo na ito agad sa first day of showing.

Dinagsa ng mga moviegoers mula sa Metro Manila maging sa Luzon, Visayas, at Mindanao ang unang araw ng pagpapalabas ng kilig movie ng taon!

Gaya na lang sa Baguio na kahit napakalamig ng panahon ay naging mainit ang pagsuporta ng mga tao na mapanood ang ‘Monday First Screening.’

Hindi alintana ng mga netizens ang masungit na panahon at sumugod pa rin sa mga sinehan para sa opening day ng pelikula ni Ms. Gina Alajar at Mr. Ricky Davao.

Kitang kita ang kasabikan ng NETizens na mapanood ang pinag-uusapang pelikula na ang bida ay mga senior citizens.

Naging maingay at pinag-uusapan ang nakakakilig na tambalan ni Ricky at Gina, na sa sobrang naging click ang chemistry nila ay ginawan na sila ng pangalan - GinRick.

Kayang kayang makipagsabayan ng tambalang GinRick sa mga kilala nating sikat na loveteams sa bansa kung sa pagpapakilig at aktingan ang pag-uusapan.

Aba! Sino ba ang mag-aakala na kaya nilang magpakilig hindi lang sa mga matatanda at senior citizens, kahit ang mga millenials at Gen Zs ay hindi nakaligtas sa mga nakakakilig na banat at pick-up lines ni Ricky Davao sa pelikula.

Kaya walang kaduda-duda na magna-number one ang ‘Monday First Screening’ sa first day nito laban sa mga foreign movies na kasabayan nito.

Magaganda at positibo ang reaksyon ng lahat ng nakapanood ng pelikula at ang karamihan sa kanila ay hindi manghihinayang na bumili ulit ng tickets para mapanood muli ang pelikula.

Ang iba ay nagpalakpakan pa pagkatapos mapanood ang pelikula dahil sa sobrang husay ng pagganap ng mga artista at sa ganda ng istorya ng pelikula.

‘Yung iba ay hindi na raw napigilan na mapaiyak din dahil nakaka-relate umano sila sa mga character sa pelikula gaya na lang ni Lydia na ginampanan ni Gina Alajar.

Kaya huwag nang magpaiwan at magpahuli sa trend ngayon #MondayFirstScreening #GinRick #SeniorRomCom, isama ang buong pamilya, barkada, ka-trabaho, kaklase at ang buong barangay.

Sugod na sa pinakamalapit na sinehan sa inyong lugar. Sabay-sabay tayong ma-in love sa pelikulang ‘Monday First Screening.’