Nagtalaga si Pangulong Ferdinand Marcos Jr. ng 223 military personnel at reservists sa iba't ibang units ng Department of National Defense-Armed Forces of the Philippines (DND-AFP).

Batay sa listahang inilabas ng Presidential Communications Office (PCO), itinalaga ng Pangulo sina Lt. Col. Josenilo Reoma (Res), Major Gene Carl Tupas (Res), at Capt. Sunshine Charry Fajarda (Res) sa Judge Advocate General Service (JAGS); Capt. Clarice Jenn Sanchez (Res), Capt. Michaele Conchita Zapanta (Res), Second Lt. Mary Jane Baet (Res), at Second Lt. Sharmaine Narte (Res) sa Medical Corps (MC).

Hinirang naman sina Capt. Roberto Nell Jone Astudillo III (Res) at Capt. Sunny Quejada (Res) sa Chaplain Service (CHS); Second Lt. Ma. Lourdes Mana at Second Lt. Sheila Peji sa Nurse Corps (NC); at Capt. Marwin Manaloto (Res) sa Corps of Professor (PROF).

Kasama rin sa itinalaga sina Second Lts. Amor Theresa Atos, Nhico Dalangin, Danna Madrona, Mary Rose Mendoza, Madel Pablo, Joseph Christian Ramos, Farhana Tindick, at Second Lt. Radia Sariddin (Res) sa AFP Medical Administrative Corps (MAC).

Ayon sa PCO, tinatayang may 125 appointees sa Philippine Army (PA), 56 appointees sa Philippine Navy (PN), at 22 appointees sa Philippine Air Force (PAF).