Hindi na madadaanan ang mga kalsada sa Barangay Biak-na-bato sa munisipalidad ng La Castellana sa Negros Occidental, matapos umagos sa lugar ang lahar mula sa Bulkang Kanlaon, ayon kay Mayor Alme Rhumyla Mangilimutan.

Bukod sa lungsod ng Canlaon sa Negros Oriental, isinailalim na rin sa state of calamity kahapon, Martes ang La Castellana, isang araw matapos tamaan ng ashfall at sulfuric fumes ang lugar bilang resulta ng phreatic eruption ng Kanlaon Volcano.

Nanawagan si Mangilimutan sa mga residente na manatiling kalmado at iwasan ang daanan ng mga daloy ng lahar, na nagdadala ng mga debris kabilang ang mga puno at bato.

Ipinag-utos din niya ang forced evacation o sapilitang paglikas ng mga residente sa apektadong barangay. Nagpadala na rin ng mga heavy equipment para linisin ang kalsada sa barangay.

Halos natabunan ng ashfall ang mga bukirin sa anim na barangay ng La Castellana sa paanan ng bulkan na umabot pa sa tatlo pang barangay.

May kabuuang 232 na ang apektadong pamilya ang nananatili sa iba't ibang evacuation centers ng La Castellana at pinapakain ng munisipyo, bukod pa sa mga food packs na ipinamamahagi sa kanila ng lokal at provincial government at iba pang ahensya.

Nauna nang idineklara ni Mangilimutan ang suspension of work sa lahat ng tanggapan at ahensya ng gobyerno maliban sa mga may tungkuling may kinalaman sa paghahatid ng mga pangunahing serbisyo, paghahanda at pagtugon sa kalamidad at iba pang mahahalagang serbisyo.

Kasunod ng deklarasyon ng state of calamity, sinabi ni Mangilimutan na kontrolado na ang presyo ng mga pangunahing bilihin, sa pakikipag-ugnayan sa Department of Trade and Industry, matapos niyang mapansin ang pagtaas ng presyo ng mga face mask.

Mahigit 1,500 residente sa tatlong lungsod at tatlong munisipalidad ng central Negros ang lumikas mula sa kanilang mga tahanan ilang sandali matapos ang pagsabog noong Lunes ng gabi.

Idineklara din ni Canlaon City Mayor Jose Chubasco Cardenas ang suspensiyon ng trabaho sa mga opisina ng gobyerno at pribadong opisina nitong Martes. Habang bumalik sa normal ang sitwasyon sa lungsod at humihina na ang aktibidad ng bulkan, binigyang-diin ni Cardenas na dapat mahigpit na sundin ang paghihigpit sa loob ng 4-meters permanent danger zone.

Sinabi ni Governong Eugenio Jose Lacson, na bumisita sa La Castellana noong Miyerkules, na manatili sa evacuation center hanggang sa ibaba ang Alert Level 2.

Iniulat ng mga lumikas na residente ng tatlong barangay sa kalapit na La Carlota na 200 pamilya ang nananatili sa mga evacuation center o kasama ng mga kamag-anak, ayon sa tanggapan ng city disaster risk reduction and management.