Ibinida ngayon ng National Capital Regional Police Office (NCRPO) na bumaba ng 24 porsyento ang index crime sa Metro Manila mula November 2024 hanggang January 2025 kumpara sa parehong panahon noong 2023.

Sa rekord ng NCRPO nakapagtala ng 768 index crimes mula November 23, 2024 hanggang araw ng Miyerkules, January 15, mas mababa sa 1,007 na naitala noong November 23, 2023 hanggang January 15, 2024.

Isiniwalat ng NCRPO na P153 milyon halaga ng ilegal na droga ang nasabat, mahigit 4,000 drug suspek ang nalambat bilang resulta ng 1,500 drug operations kung saan nakumpiska ang halos P1 milyon bet money o taya.

Nasa 352 indibidwal ang inaresto sa kampanya kontra ilegal na armas at nakumpiska naman 364 na armas.

Dinampot naman dahil sa paglabag sa mga ordinansa ng local government units sa Metro Manila ang nasa 350 katao.

Tiniyak ni NCRPO Chief Brig. Gen. Anthony Aberin ang patuloy na operasyon kontra krimen ang back to basics approach sa pagsawata sa krimen.

“NCRPO shall consider these initial operational milestones as our motivation to remain committed in performing our mandate of keeping the peace in Metro Manila. With the help of a responsive community, we shall continue with our ‘back to basics’ approach in crime prevention and solution, while fully embracing innovations in law enforcement,” ayon kay Aberin.