Determinado si Senadora Imee Marcos na panatiliing buo ang UniTeam o ang alyansa nina Pangulong Ferdinand Marcos Jr. at Vice President Sara Duterte.

"Let me be candid. I will do anything to salvage the UniTeam...I’m determined to salvage whatever shreds remain of that unity. It is good for our country, it is good for development and for our future," pahayag ni Sen. Imee Marcos.

Sa harap ito ng nangyayaring palitan ng maanghang na salita sa pagitan ng kampo ng Pangulo at ni dating Pangulong Rodrigo Duterte.

Sa isang TV interview, binigyang-diin ng Senadora na mas makakabuti sa bansa na manatiling buo ang UniTeam.

Sabi pa ng mambabatas sa kaniya nanggaling ang terminong "UniTeam."

Sa prayer rally na isinagawa sa Davao City noong Linggo, pinangunahan ni dating Pangulong Duterte at mga anak nito ang pagtitipon kung saan ibinabala niya ang posibleng pagpapatalsik sa puwesto kay Marcos at alegasyon ng paggamit ng illegal na droga.

Dinaluhan ni Senadora Marcos ang Davao rally, sa kabila ng kasabay nito ang kick-off ceremony ng Bagong Pilipinas campaign na pinangunahan ng kaniyang Presidenteng kapatid.

"That was my entire purpose to go to Davao. Attempt to speak to the Dutertes and of course with VP Inday whom I haven't seen for a bit."

Paliwanag ng Senadora, nagtungo sya sa Davao rally para maka-usap ang mga Duterte at sikaping ayusin ang di pagkaka-unawaan.

"It's very, very clear that my effort was simply to try and patch things up because to my mind, the principles continue to work with each other very happily except when interference from so many other pressures, influences, and other politicians come in. That's the problem."

Gayunman, nagkakaroon aniya ng problema kapag may ilang pulitiko ang nanghihimasok at dahilan ng pressure.

Hindi naman nawawalan ng pag-asa ang Senadora na magpapatuloy ang kaisahan ng "UniTeam" para higit na makatulong sa sambayanan sa hinaharap

"I haven't lost hope. I continue to pray that we can put things together and that the UniTeam is some form or [another] will continue to survive and help the country in the future."