Kilala na mabuting magkaibigan sina Maja Salvador at Maine Mendoza na nabuo ang kanilang friendship sa noontime show na Eat Bulaga na ngayon ay E.A.T.

Sa katunayan, isa si Maja sa mga bridesmaids ni Maine. Kasama sina Ciara Sotto at Kristine Hermosa.

Ginanap ang kasal ni Maine at Arjo sa Baguio noong July 28, na very memorable at significant date para sa phenomenon tv host-actress.

Noong July 28, 2013, “Arjo cutie”, post ni Maine Maine sa twitter.

July 28, 2018 – unang beses na magkita at magkilala ni Maine at Arjo sa storycon ng kanilang pelikula na “Jack Em Popoy: The Puliscredibles”. At dito na nagsimula ang maganda nilang pagtitinginan.

Pagkatapos ng apat na taon, July 28, 2022, nang magpropose si Arjo kay Maine.

“My turn, I will marry you cutie,” sweet caption ni Arjo sa nangyaring engagement nila ni Maine.

Nagsama—sama ang malalapit na kaibigan, ka-trabaho at pamilya ni Maine at Arjo upang ma-witness ang pag-iisang dibdib ng dalawa sa kabila ng masungit na panahon.

At pagkatapos ng isang araw ay lumipad ang bridesmaid na si Maja sa Bali, Indonesia para sa pre-wedding nila ng kaniyang entrepreneur fiancé na si Rambo Nuñez para sa pamilya at mga kaibigan.

Naging isang star-studded affair ang dinner dahil maraming celebrity friends ng couple ang dumating. Gaya nila John Lloyd Cruz, Richard Gutierrez and wife Sarah Labahti, Kakai Bautista, MJ Lastimosa, Thou Reyes, Miles Ocampo and Moi Bien Marcampo.

Spotted din ang fashion blogger na si Laureen Uy with fiancé Miggy Cruz, content creator Nicole Anderson, kapamilya actor Joshua Garcia.

At July 31, 2023, sa Apurva Kempinski Bali resort, nagpalitan ng kanilang “I Do” si Maja at Rambo.

Stunning ang bride sa kaniyang elegant off-shoulder laced wedding gown habang dashing naman ang groom sa kaniyang white tuxedo.

At kahit bagong kasal, ay lumipad din agad ng Bali, Indonesia si Maine at hubby na si Arjo upang masaksihan ang special na araw ng mga kaibigan.

Isa si Maine sa star-studded na bridesmaids ni Maja, kasama sina Kathryn Bernardo, Janella Salvador at Kakai Bautista.

Sa Instagram post ni Maja, makikita ang kanilang wedding photos ng asawa na si Rambo: “And they are one.”